意粉狂熱 (屯門時代廣場北翼)

Open Now

Now Closed

放工後和友人來到屯門時代廣Pastaholic，一間和民旗下的意粉店，隔離正正是和民，舒服企理，主打「和風洋食」，走輕鬆格調。枱面上有colourful透明玻璃水樽，餐廳播放悠揚音樂。餐牌選擇不少，用手機掃QR code落單，我們選了2款主食和小食和朋友分享，值得一讚的是食物上枱速度好快。法式芝士洋蔥湯$38:上面有一塊多士，配上融化芝士，加上入面好多洋蔥，帶出郁濃鮮味，暖暖窩心﹗意式薄切三文魚忌廉芝士卷$48: 三文魚包卷住忌廉芝士粒，為口腔帶來新鮮感，焗珍寶大啡菇釀帶子$48:一切開大啡菇，爆汁 蟹子、帶子粒，口感豐盈。海鮮蒜香蕃茄意粉$88(+$10升級意粉1.5倍份量): 餐廳主打以小麥粉自家製作意粉，果然食落真係特別彈牙，有一陣淡淡有小麥同奶脂香。蒜香蕃茄不錯，海鮮鮮味更能融入意粉當中，異常開胃﹗香烤香草羊架$128:粗薯條保持香脆，羊架羊味香濃，配上醬汁一流。價錢不貴，食物質素不錯，坐得舒服又自在。