Video
Read full review
2022-10-02
1396 views
漫無目的出咗嚟沙田行下，幾個商場兜嚟兜去有啲無聊，見冇咩做不如食個tea先返去啦，附近冇乜啱心水嘅餐廳，行咗一陣入咗cafeholic。假期下午茶都唔使等位可以直入，不過都無晒靠牆枱，坐左路中心嘅一張方枱，本身個位幾濶無乜問題，不過可能呢張枱正正係餐廳嘅正中央，所以身後keep住有三位伙計以上企係度，等人叫或者上菜方便啲掛，係咁企喺你身後竊竊私語細聲講大聲笑，其實真係唔係幾舒服，anyways，入左黎坐就落單啦。講菜名落單伙計會重複講number，ok嘅，set左係餐就梗係講number方便，伙計問係咪十同十二，仲有無野要…是但啦。凍好茶兩杯，一杯少冰，真係好均真喎，少冰嗰杯個volume都真係少啲 ，不過啲冰係咪真係有少到呢，我又覺得差唔多。伙計大叫一聲十二號餐到就放低份食物，賣相幾好睇，當年呢間cafeholic嘅品牌都紅過一時，稱為港女打卡店，咁份野食都幾呃like嘅。蛋，醬汁，煙三文魚等都十分行貨，個樣呃得下人，味道合格，價錢唔貴都無乜其他要求了。另一份黎嘅時候伙計又係叫一聲十號餐到，睇黎呢個係傳統黎喎，咁似啲有客到feel，哈哈哈哈。記憶中呢份係雞肉肉醬意粉，汁唔夠多，雞肉係
假期下午茶都唔使等位可以直入，不過都無晒靠牆枱，坐左路中心嘅一張方枱，本身個位幾濶無乜問題，不過可能呢張枱正正係餐廳嘅正中央，所以身後keep住有三位伙計以上企係度，等人叫或者上菜方便啲掛，係咁企喺你身後竊竊私語細聲講大聲笑，其實真係唔係幾舒服，anyways，入左黎坐就落單啦。
講菜名落單伙計會重複講number，ok嘅，set左係餐就梗係講number方便，伙計問係咪十同十二，仲有無野要…是但啦。
凍好茶兩杯，一杯少冰，真係好均真喎，少冰嗰杯個volume都真係少啲 ，不過啲冰係咪真係有少到呢，我又覺得差唔多。
伙計大叫一聲十二號餐到就放低份食物，賣相幾好睇，當年呢間cafeholic嘅品牌都紅過一時，稱為港女打卡店，咁份野食都幾呃like嘅。蛋，醬汁，煙三文魚等都十分行貨，個樣呃得下人，味道合格，價錢唔貴都無乜其他要求了。
另一份黎嘅時候伙計又係叫一聲十號餐到，睇黎呢個係傳統黎喎，咁似啲有客到feel，哈哈哈哈。記憶中呢份係雞肉肉醬意粉，汁唔夠多，雞肉係免治雞肉？意粉太淋，醬汁單調，好處係夠大碟，作為一份下午茶很飽了。
坐下ok啦，cafe稱唔上，茶餐廳嘅港女版？
Post
