樂天客棧 (Closed)

平時唔多去到奧海城食晚飯，呢一晚黎到食中菜，整體感覺都令到我地好滿意。食飯之前先有泰式鳳爪作小食，酸辣味道夠晒入味，但又唔會太過份，開胃醒神。食完主菜後，當然要叫返幾味撚手小菜。薑蔥鴕鳥肉，夠晒獲條，上菜時夠晒香噴噴，而鴕鳥肉炒得好嫩口，一啲都唔鞋，啖啖肉送飯就最正!鍋香豆腐蝦球，啫啫沙窩令到整碟小菜保持著溫度，加上彈牙爽口嘅蝦球，同埋嫩滑嘅豆腐，又係令人出色小菜。最後有當歸雲耳蒸鱸魚片，咁多真材實料嘅配料，烹調出黎嘅味道必然係夠晒層次。而鱸魚片夠厚切，鮮味十足，品嚐嘅時候再點點醬汁，簡直係一流享受。