Video
Read full review
2016-01-28
742 views
今次晚餐朋友帶我到位於尖沙咀的樓上鋪嘆歐陸私房菜。餐廳環境昏暗但放了不少的小洋燭令氣氛變得浪漫，而且又播放啲輕快悅耳的音樂令餐廳更有格調！一入座服務員已經好細心咁為我們介紹今晚的set menu同問有沒食材係唔食得，真係好窩心！ 先有歡迎小點，係法國牛油麵包配自家製特色醬和鹿肉。麵包有兩款，一個係勁香牛油的麵包，而另一個係充滿香甜提子的麥包。兩款麵包都非常鬆軟，唔會硬磞磞。而今次的特色醬係西蘭花醬同蘋果蓉。西蘭花醬味道好清甜，而且磨得好滑溜，沒咩渣。而蘋果蓉味道酸酸甜甜好fresh好醒胃。兩者點麵包都好夾好好食。而鹿肉味道香濃，而且肉質嫩口，入口鹿肉香味慢慢浸出來，好好食。 之後我們點了3款生蠔分別係Krystale，Lambert & Gillardeau No.2。Lambert肉質嫩滑，海水咸味較少，而且帶有少少甜味。而Krystale肉質爽脆，海水味重。最後係Gillardeau No.2，肉質爽口，而且蠔味超濃又特別，但海水味就比Krystale淡。三款生蠔都非常新鮮，即開即食，正！ 輪到starter，今次係美國榖飼牛肉他他配溫泉蛋，水牛芝士伴2004年意大利黑
一入座服務員已經好細心咁為我們介紹今晚的set menu同問有沒食材係唔食得，真係好窩心！
法國牛油麵包配自家製特色醬和鹿肉
17 views
0 likes
0 comments
先有歡迎小點，係法國牛油麵包配自家製特色醬和鹿肉。麵包有兩款，一個係勁香牛油的麵包，而另一個係充滿香甜提子的麥包。兩款麵包都非常鬆軟，唔會硬磞磞。而今次的特色醬係西蘭花醬同蘋果蓉。西蘭花醬味道好清甜，而且磨得好滑溜，沒咩渣。而蘋果蓉味道酸酸甜甜好fresh好醒胃。兩者點麵包都好夾好好食。而鹿肉味道香濃，而且肉質嫩口，入口鹿肉香味慢慢浸出來，好好食。
3款生蠔Krystale，Lambert & Gillardeau No.2
34 views
0 likes
0 comments
之後我們點了3款生蠔分別係Krystale，Lambert & Gillardeau No.2。Lambert肉質嫩滑，海水咸味較少，而且帶有少少甜味。而Krystale肉質爽脆，海水味重。最後係Gillardeau No.2，肉質爽口，而且蠔味超濃又特別，但海水味就比Krystale淡。三款生蠔都非常新鮮，即開即食，正！
美國榖飼牛肉他他配溫泉蛋，水牛芝士伴2004年意大利黑醋汁(上)及香草欖油淹深海蜇蝦伴煙燻蕃茄凍(下)
18 views
1 likes
0 comments
輪到starter，今次係美國榖飼牛肉他他配溫泉蛋，水牛芝士伴2004年意大利黑醋汁。脆餅香脆可口，牛肉嫩口又煙韌，牛味濃郁沒咩血腥味，味道不錯。溫泉蛋係用鵪鶉蛋製成，小巧精緻。第一次食溫泉鵪鶉蛋，蛋味濃郁，撈埋牛肉一齊食，令牛肉好滑，而黑醋汁好濃好醇，可以提升牛肉的味道，令味道非常豐富。
香草欖油淹深海蜇蝦伴煙燻蕃茄凍，這個starter賣相好靚好精緻，而且擺盤令到菜式好有動感。蜇蝦十分爽口彈牙，而且煮得好入味。蕃茄凍好冰鮮爽甜配埋軟滑的水牛芝士一齊食好夾，最後係煙燻味的啫喱。整道菜好有新鮮感，不單只味道獨特，而且口感非常豐富。
法國野菌忌廉湯(上)&龍蝦忌廉湯(下)
8 views
0 likes
0 comments
餐湯有味道香濃的龍蝦忌廉湯，入口好重龍蝦味，好鮮甜，而且好滑，每一啖都係龍蝦的精華。而另外一款係法國野菌忌廉湯，好濃郁的野菌味，好香，而且好滑好creamy，入口啖啖菌肉。兩款湯都好正！
跟住係entree燒春雞伴意大利雲吞及香煎法國鵝肝配豬肉卷伴熱情果蓉柚子汁。
燒春雞肉質嫩滑及鮮味，而且燒得好香，配上飽滿而味道微咸的意大利雲吞，令整道菜變得生色不少。
香煎法國鵝肝配豬肉卷伴熱情果蓉柚子汁
31 views
1 likes
0 comments
鵝肝煎得外脆內嫩滑，咬落去啲油香吱晒出來，而且點熱情果蓉同柚子汁食，不單令鵝肝味道更突出，還可以減低油膩感，兼令其帶有微微的果香，真係非常Match。而今次鵝肝唔係配多士，係配豬肉卷，非常少見，而且豬肉卷入口好香脆，食落卜卜聲，豬肉帶咸香味，同鵝肝係完全相反的口感，一脆一嫩形成強烈對比令人印象深刻！
番石榴雪葩
16 views
1 likes
0 comments
係食主菜前，服務員先給我們食水果雪葩清一清味蕾，令我們可以好好品嘗主菜的味道。今次的雪葩係番石榴味，好fresh，味道酸酸甜甜，不單止可以清味蕾仲可以醒一醒胃。
今晚的主菜是意大利白鱘魚魚籽醬配蘋果木煙燻挪威野生三文魚，藍鰭吞拿魚他他及M9澳洲和牛肉眼扒配法國田園菜伴廚師醬汁。
意大利白鱘魚魚籽醬配蘋果木煙燻挪威野生三文魚，藍鰭吞拿魚他他
38 views
0 likes
0 comments
呢道菜一上枱已經好令人注目，係透明蓋裡白朦朦的一片，好好奇究竟係點樣的菜式。一打開蓋白煙四散，除了聞到好強烈的煙燻蘋果木味，亦都揭開菜式的神秘面紗。是份量十足兼賣相精緻的三文魚及藍鰭吞拿魚他他。三文魚同藍鰭吞拿魚肉質鮮甜嫩滑，入口即溶。夾白鱘魚魚籽一齊食，食落口感十足，而且每一口都充滿煙燻蘋果木味，連配菜都好入味，勁！
M9澳洲和牛肉眼扒配法國田園菜伴廚師醬汁
21 views
0 likes
0 comments
原來M9澳洲和牛就同A5日本和牛差不多同等。肉眼扒肉質好嫩滑，好易切，中間仲係粉紅色。而且脂肪分佈得好平均，每一口都充滿牛肉味同油脂味，簡直係齒頰留香。配上清甜美味又爽口的田園菜，可以減少口中的油膩感，特別係露荀清甜爽脆，原汁原味。
朱古力布朗尼配冧酒雪糕(左)及法式焦糖燉蛋伴曲奇忌廉雪糕(右)
8 views
0 likes
0 comments
終於到甜品時間了，今次甜品有朱古力布朗尼配冧酒雪糕，布朗尼有好濃厚的朱古力味，而且口感軟腍得黎好厚實，同出面的好唔同。配埋香甜又有少少酒味的冧酒雪糕，呢種配搭真令人難以抗拒。
法式焦糖燉蛋伴曲奇忌廉雪糕，雪糕好幼滑， 而且好濃曲奇味同奶味。燉蛋蛋香味濃郁而且唔係咁甜，口感好滑，面頭個層焦糖好脆好甜，帶有微微的焦香，使整個燉蛋味道剛剛好！
薰衣草茶(後)&洛神花茶(前)
17 views
0 likes
0 comments
突然服務員遞上一個精美的木盒，原來入面放滿了德國Ronnefeldt及英國Twinings不同口味的茶包同花茶，真係有太多選擇，唔知選邊個好。
最後我地選了薰衣草同洛神花茶作我們的飯後茶。薰衣草茶好香，可以有安神作用。而洛神花茶酸酸的可以幫助消化。
自家製朱古力
21 views
1 likes
0 comments
最後餐廳還奉上自家製朱古力，由上至下野莓、士多啤梨、松露、果仁和黑朱古力，每一顆朱古力都好食，又滑又香，而且味道好有特色。一邊嘆茶一邊食朱古力，呢餐私房菜真的令人回味。
Post
