花宵 (Closed)

銅鑼灣花宵幾有居酒屋日本 feel, 店員親切！menu幾多唔同款式而且價錢唔貴。帶子放了柚子鹽，味道非常突出，綿滑得黎又帶清新感！鰤魚刺身彈牙清爽和濃郁溫厚的味道！清爽的魚脂中所帶有的鮮甜味道。鮫鰈魚為白身魚，味道清淡清新，牡丹蝦肉質鮮美肥厚，不加醬油汁料只用原味令味道更鮮甜。燒白鱔，燒既火喉控制得好，魚皮微脆唔會太焦，金金黃黃幾靚，白鱔味道幾討好夠香又啖啖好帶彈性。加點檸檬汁更添香味。牛舌表層燒香， 有點煙燻感覺，咸鮮味幾香，質感幾厚身，配上蛋黃醬中和了牛舌既膩。櫻花蝦多士，香脆咸香好正，蝦肉mix埋後質感爽彈，再配沙律醬好清新。焦糖菠蘿，食完解膩，唔會太甜！酸酸甜味道好好。最後餐廳還送了個紅豆綠茶蕨餅，幾好又唔太甜，帶有紅豆來得自然香。