花宵 (Closed)

🍢串燒拼盤定食(午餐定食7折連加一後約$126.4，原價$158+10%)定食除左主食外，仲配有沙律、蒸蛋、味噌湯同熱飲。沙律既配搭幾特別，除左有常見既沙律菜，仲有一球薯仔沙律同紫洋蔥，薯仔沙律調味有啲重手，而紫洋蔥因為係全生所以辣味幾重，係屬於較重口味既沙律，但係味道都唔錯既。而蒸蛋都幾滑，入面有冬菇同小貝柱等等，味道溫和幾好食。至於味噌湯同熱柚子蜜就中規中矩，冇咩特別。主菜既串燒拼盤寫明製作需時，由落單起計大概等左20分鐘左右，不過一送上嚟就知道好值得等待，因為真係好吸引呀😍串燒總共有6串，包括：青椒仔：本身唔鐘意食青椒所以不予置評🍠小甜薯：連皮食有外脆內軟感覺，內裡軟糯帶微甜，唔錯🐥雞皮：外側燒得好脆口，內裡好彈牙🐤雞翼：雞皮依然好脆，肉既部份燒得啱啱好🐷五花肉：脂肪部份爽口得嚟仲有豐富油脂香，食落唔會好heavy🐮厚切牛舌：肉質爽脆燒得好香，仲要有3大塊，好好食💕平時食呢啲高質日式串燒平均都要20～30一串，但呢個定食只需要平民價錢就食到，CP值真係非常高！而且每串都燒得啱啱好，調味適中，可以食到食材既原味，全部都好好食好回味🤤服務亦都幾好，店員好友善，趁佢地做緊7折要多啲去試

今次嚟到銅鑼灣搵食，聽講呢間有好多特色日式料理同時令食材，即刻book檯試試佢咩料～～胡麻豆腐沙律 - 首先食返個清新沙律清下味蕾同墊下胃XD 好鍾意呢個combination，胡麻醬同豆腐本身就係絕配，加埋蕃茄仔同青瓜，轉眼間就清哂花宵特上壽司拼盤 - 呢個拼盤ge每款壽司ge水準都好高，而且每見都有特色，好似赤蝦會加三文魚子，油甘魚會有d辣醬點綴吊出鮮味，細節見心思～櫻花蝦多士 - 原來食蝦多士用櫻花蝦會香咁多，咬口香脆更加有層次塩燒三文魚頭 - 上檯個下哇左出嚟，未食過咁大舊ge三文魚頭，魚皮炸到超香脆，魚肉都好多，充滿油脂肉汁磯燒鮑魚 - 夠彈牙，鮮而不腥，中上之作焦糖菠蘿 - 菠蘿加焦糖皮，甜上加甜，做甜品一流

蕉媽對日式料理情有獨鍾知道銅鑼灣永光中心好多日式料理今次約朋友嚟呢度搵嘢食上咗11樓一間叫「花宵 」嘅日式居酒屋餐廳門外的牆上貼上色彩繽紛的圖畫，畫上有各種各樣的日式料理加上一排和紙吊燈真係幾似去咗日本嘅居酒屋今次第一次食，加上朋友食量不大，我哋點一啲食物小試㕑師嘅牛刀點咗🔅日式豆腐胡麻醬沙律🔅酥炸白身蝦🔅炸芝士年糕🔅豚肉蘆筍卷串燒🔅雞翼串燒🔅鯛魚湯野菜烏冬服務員推介我哋食酥炸白身魚、刺身和壽司。不過由於蕉媽近期不能吃生冷野，所以只能略過刺身和壽司，但見隔離枱吃的津津有味，下次有機會再試。酥炸白身蝦確實炸得很鬆脆，蝦身白色晶凝通透，用嚟送酒一流。特別推介鯛魚湯野菜烏冬，鯛魚湯魚味特出，湯呈奶白色，是用鯛魚魚頭熬製而成，吃烏冬也把湯喝完了。花宵 (銅鑼灣)銅鑼灣登龍街28號永光中心11樓

同朋友去開銅鑼灣食嘢，聽講呢度有間幾好食嘅日本餐廳，決定黎試試。叫咗個紅酒醋凍蕃茄開開腸胃，酸酸甜甜，而且蕃茄營養豐富，作為starter唔錯。跟住叫咗個芝麻雞翼，鬆脆鹹香足夠， 熱辣辣， 唔錯！ 配啤酒一流。叫咗個鮑魚配有甜甜嘅燒汁，欣賞佢將鮑魚切片方便同朋友分享。鮑魚夠彈牙，色澤亦都靚。食完鮑魚，終於上我哋嘅主菜，壽司拼盤。總共有12舊共六款。用料高質，擺盤精緻。 分別有拖羅， 深海池魚，油甘魚腩，炙燒左口魚，三文魚子赤蝦同帶子。 所有壽司都非常推介。，魚油味重，壽司飯拿捏得恰到好處，唔會太酸，而且飯粒粒粒分明，但係又唔會太夠。好似食緊日式omakase 咁。呢個壽司令到我回味無窮。食完壽司叫咗度炸物，炸池魚仔調味啱啱好，識落口感香脆，但係又唔會過分油膩。最後叫咗個焦糖菠蘿作為甜品。菠蘿香甜多汁為呢一餐畫上完美嘅句號。

銅鑼灣呢個鬧市淨係樓上居酒屋都多不勝數，今日同同事去左登龍街永光中心樓上既花宵日本料理，旺中帶靜既日式居酒屋，坐低飲下野傾下計就最適合不過櫻花蝦多士 ($58)餐廳將人氣推介既餐牌貼左係牆上任君選擇，我地見到呢個櫻花蝦多士就即刻話要試下，每一片都舖滿櫻花蝦，入面仲有蝦膠，炸到金黃色夠香脆，果然係人氣推介酒煮鮑魚 ($88)鮑魚則用酒煮方法處理，爽囗彈牙，而且好入味鹽燒油甘魚鮫 ($168)油甘魚鮫油份豐富，燒過的魚鮫外皮香脆，魚肉甘香嫩滑焦糖菠蘿 ($58)菠蘿上面有層香脆既焦糖，菠蘿香甜多汁，同焦糖好夾好好食花宵刺身拼盤 ($368)刺身拼盤精選左五款時令刺身，有鰤魚、真鯛、甜蝦、帆立貝同炙燒拖羅，鰤魚質感滑嫩又有油香，真鯛肉質細膩，質感軟滑，帆立貝同甜蝦都好新鮮，食得出其鮮甜既味道，拖羅刺身用火槍輕燒過，魚油甘香，入口即溶但又唔會太漏野菜𩶘魚稻庭烏冬 ($88)訂位個陣店員問我地要唔要預訂埋個𩶘魚稻庭烏冬，預訂得應該都係正野啦，梗係要試下，點知一試難忘，用左好多魚骨同魚頭熬製而成既湯底，無添加既魚湯呈奶白色，吃落係濃濃的魚香味，配上滑嫩的烏冬，超正

今日黎到花宵, 餐廳四正闊落, 坐得舒服, 氣氛不錯, 情侶家人朋友黎都啱。胡麻豆腐沙律$68沙律開胃, 份量充足。櫻花蝦多士$58櫻花蝦滿佈多士，多士非常鬆脆，但卻唔算油膩，配啤酒一流。花宵特上壽司拼盤$398壽司拼盤共六款十二件, 兩人叫十分適合。當中都是用較高級食材。有拖羅、深海池魚、油甘魚腩、炙燒左口魚、三文魚子赤蝦、帶子。個人偏好拖羅及油甘魚腩，魚味濃，又有多油鮨，口感極佳。鹽燒三文魚魚頭$188三文魚魚頭賣相相當煞食，燒得剛剛好的魚頭好脆口，CP值高，再黎的話要encore!磯燒鮑魚$78磯燒鮑魚要好食必須保持鮑魚水份，餐廳處理非常恰當，鮑魚外表微脆而肉身軟, 好有口感。焦糖菠蘿$58食過咁多好野之後甜品是必須，焦糖菠蘿平衡左甜同酸味，幾有驚喜。餐廳仲另外送多一個小甜品俾我地, 好等別, 有芝士蛋糕既味道, 卻有布丁既口感

上月初訪得知，原來每月有兩次原條吞拿魚盛宴。呢個本鮪宴每位$1180 +10% s.c.包埋sake,汽水放題🍶餐廳會喺日本競投藍鰭吞拿魚，不經急凍破壞肉質，直接保鮮4小時到店。師傅雙手承托魚身，原條鮪重達45斤，體型寬廣，表皮光亮尾鰭孔武有力。熟練刀功，將魚身分割多件備菜先附:七味炸淮山-佐酒佳物，薄切淮山片，好香脆！鹽烤銀杏果-用上日本銀杏，甘香辣汁煮螺-甜中帶辣，螺肉軟嫩。🥢原條本鮪三點(大拖羅·中拖羅 · 赤身)赤身部位魚肉紅潤，魚味特別濃，厚切嘆一流最鍾意係中拖羅，芳香油脂不膩，又有魚鮮味。大拖羅入口即化，滿口油脂，肥美豐腴😋✨中拖羅、赤身仲可以追加添！🐟火炙中拖羅、赤身刺身火炙過魚油滲透更香🍣本鮪壽司、卷物🥢酢物：柚子蘿蔔，伴柚子果絲，蘿蔔多了一份芳香蒜子漬，醬香鮮味，夠醒胃牛蒡漬，爽脆濃香🥢燒物：鹽燒本鲔顎呢個下巴食完真係返唔到轉頭，每口魚肉都浸透油香魚油豐腴，肉質油潤香嫩，豐富骨膠原😋🥢月見蒜香吞拿魚他他玻璃盅之外呈現魚肉鮮紅，好吸睛外層紫菜輕卷厚厚吞拿，手心感受重量加埋炸蒜葱粒食咀嚼間醬油魚香味鮮交織纏綿上盛味覺享受🥢醬燒北海道帆立貝帆立貝搽上自家醬汁炙燒金黄色澤，貝

平時返工多數都會同同事過黎登龍街食飯，今晚去到永光中心樓上既花宵日式居酒屋，靜靜地同朋友坐低傾下計，食物種類都幾多選擇，而且價錢親民，一於試多幾款先得🌟花宵刺身拼盤 ($368)呢個花宵刺身拼盤有5款時令剌身，今日有魚類有貝類啱哂我，師傅揀左鰤魚、真鯛、甜蝦、帆立貝同炙燒拖羅，由較為淡味既鰤魚同真鯛開始食，帆立貝厚肉爽彈，最驚喜係炙燒拖羅，炙燒過後逼出油脂，入口即溶😍😍🌟酒煮鮑魚 ($88)酒煮鮑魚非常入味，預先切好四件好方便，肉質軟嫩且有嚼勁👍🏻👍🏻👍🏻🌟鹽燒油甘魚鮫 ($168)平時係出面好少食魚，朋友推介我要試下油甘魚鮫，魚皮燒到好香脆，魚肉嫩滑多汁唔會有細骨，點埋酸汁一齊食更能提升魚既鮮味😚😚😚🌟櫻花蝦多士 ($58)呢個櫻花蝦多士係限定新品，先將蝦膠放係麵包面，上面再加櫻花蝦一齊炸，口感層次非常豐富🌟野菜𩶘魚稻庭烏冬 ($88)私心推介大家一定要叫呢個，記得book位前預留訂呢個魚湯烏冬，湯底用上大量魚骨同魚頭熬製而成，湯底呈奶白色，無添加其他食材同味精，趁熱飲返碗湯暖胃，稻庭烏冬煮到剛剛好夠彈牙，吸收哂魚湯既精華，好想再encore呢個😍🌟焦糖菠蘿 ($58)見到餐牌有個焦

朋友說想去#居酒屋 ，所以選了這家好像很多好評的店。的確食物不錯，服務也好北秋田的#大吟釀 不算甘口，但也不算辛口，我們有男又有女，這款好像滿適合。朋友男友也說易入口，不錯朋友說一定要吃#白子ポン酢 的確，現在是旬期，很creamy 一點也不腥，不錯！串燒各款都好吃，炸芝士年糕也好吃，雖然我都覺得烤更好🤣整體食物質素很不錯，另一較可惜反而是師傳自製的芝士蛋糕，我個人的口味會偏好綿密芝士，師傅造的比較膠質，有點可惜

日本終於恢復個人遊，未成行出發前，本地既居酒屋絕對係首選，今晚就黎到銅鑼灣既花宵用餐。紅酒醋凍蕃茄醋汁濃稠度近乎果醬包裹鮮紅茄肉上口感清爽涼快微酸味道夠開胃壽司盛合十二貫六款配搭個人口味鍾情貝類、白身魚同蝦赤身魚就留俾身邊人慢享當造既銀雪魚肉質好軟滑鮮味瀰漫魚油香氣不腻口加埋黑松露，味道配搭不俗赤蝦size幾大隻，蝦味濃厚蝦肉散發光澤入口味道超鮮甜蝦背加少少蝦膏提鮮不蘸豉油芥末食完勝帶子肉夠厚身咀嚼時口感軟潤有彈性肉身輕輕浸透海水香味連醋香壽司飯食正炸芝麻雞翼雞翼皮炸到香脆金黃温熱外皮連肉一啖咬充滿芝麻香之餘又有豐盈雞油氣味雞肉嫩滑香口焦糖菠蘿串起金黃菠蘿肉火炙外層焦糖微脆帶焦香效果入口絲般果肉甜蜜又多汁

最近胃口一般，腦海都是日本菜，唔會太油膩又可以點多幾款。呢間居酒屋環境幾舒服，店員都會介紹餐牌。🥢紅酒醋番茄 店員推介既開胃菜，酸酸甜甜，醋香入味，幾醒胃～ 花宵特上壽司拼盤(6款12件) 🍣左口魚邊壽司有紫菜包住食，火炙過既左口魚邊充滿油香，好有入口溶化既感覺🍣銀雪魚、金目鯛壽司：表面都火炙了，帶出魚脂香味🍣拖羅海膽 最中意既兩樣組合埋一齊，海膽幾濃味有少少搶左拖羅既魚味，不過油脂好香。🍣帆立貝，入口細嫩爽滑。🍣赤蝦，清甜美味。🥢炸日本白蝦 呢款時令野真係必點本身已經好中意食小白蝦壽司原來炸過既白蝦更加正食左一條會停唔到口好鬆脆，佐酒啱哂！🥢磯燒鮑魚 入口鮮味爽彈，加左鮑魚肝醬一齊燒，味道更甘甜。最後仲有自家製cheesecake, 唔太甜幾幼滑。

係銅鑼灣美食林立既地方揾野食真係有啲困難，經朋友介紹，去到登龍街既一間日式餐廳花宵！首先叫左個花宵刺身拼盤，一共五款刺身包括油甘魚、帶子、獅魚、赤蝦同炙燒吞拿魚。吞拿魚一如既往咁好食，最有驚喜係油甘魚，非常新鮮肥美！之後店員推介今日新鮮貨日本白蝦，用炸的，可以連殼食，香脆可口。另外仲有磯燒帆立貝，帆立貝大大隻，連埋紫菜一齊食，好有日式風味！仲有叫左薄燒牛肉同𩶘魚湯烏冬，牛肉卷埋一齊食多汁，一啲都唔難咬～個烏冬𩶘魚湯好濃，聽店員講係好多客人會再返黎食呢個湯，師傅每日將𩶘魚煲幾個鐘先有呢個味道，真係好食到連湯都飲埋！最後叫埋個焦糖燒菠蘿，外脆內Juicy ，甜到入心！同埋仲有少少既Cheese cake，豐富嘅一餐！

銅鑼灣登龍街多美食，今次嚟度樓上舖～花宵～裝修有日式居酒屋感覺～舒適寬敞～先order咗一個刺身拼盤，有五款，油甘魚魚油豐富，赤蝦蝦肉厚身爽彈，灸燒吞拿魚軟林口感特別，帶子有鮮味～磯燒帆立貝好大粒，啖啖肉，配紫菜食另有一番風味，味道幾夾～炸日本白蝦，呢個係時令菜式，白蝦有少少肉連殼食好酥脆，非常惹味，食唔停口～美國牛肉薄燒，嫩滑juicy有肉汁，濃濃牛味～野菜𩶘魚稻庭烏冬，奶白色魚湯味濃，有胡椒味調味，濃郁好飲，烏冬彈牙～焦糖菠蘿正，燒到有焦糖脆片，菠蘿十分多汁，推薦！甜品完美作結，q彈cheese cake~

門口佈置很多日本風的海報與小燈籠好似準備去日本花火會的感覺首先來一客六款刺身拼盤擺盤好有氣勢兩款鯛魚吞拿魚帶子蝦銀鱈魚等較喜歡銀鱈魚與鯛魚另外炸白蝦 與sake 係絕配送酒一客唔夠喉，幾個人叫多一客再滿足D第一次試炸白子外脆，內裡質感軟滑口感幾特別 個人覺得最好食係池魚剌身好新鮮，無咩魚腥味好有質感另外幾有驚喜嘅係焦糖菠蘿見到隔離檯都有叫到望落幾吸引焦糖菠蘿製作要少少時間超脆焦糖，菠蘿好甜一D都唔酸大大件咬落口，好食想食多幾串整體環境真係坐得舒服，天花唔壓頂，就算其他客人飲酒傾下計都唔會覺得好嘈，因為真係好怕去坐得好迫又嘈嘅居酒屋，呢到岩哂我價錢方面屬中高價，但食物 服務 環境都係有番相對質素 好似有時令吞拿魚主題，下次都想黎試下。

今次同朋友黎到位於銅鑼灣既哩間居酒屋。店舖環境清幽，用上日式燈籠及旗幟作裝飾，增添日本風情。🔸花宵特上壽司拼盤（6款12件） $398左口魚邊、深海池魚、赤蝦、鱈魚、帶子、拖羅壽司上既魚生相當新鮮，左口魚邊經過火炙，充滿香氣；赤蝦黏口彈牙；拖羅非常肥美，入口半融；另外幾款魚生味道亦夠鮮甜。🔸燒鹹牛脷拌蜂蜜芥末醬 $78牛脷經過調味，味道較為鹹香，配埋蜂蜜芥末醬，都幾啱送酒。🔸七味炸淮山 $68淮山份量都幾多，而且灑上七味粉，食落香脆可口，亦係一款唔錯既送酒小食。🍢串燒/燒物免治雞肉串（月見) $48雞翼串 $32青椒仔串 $18厚切牛舌串 $58煙肉蠔卷串 $38焦糖菠蘿（一份） $58當中最鍾意厚切牛舌同埋焦糖菠蘿，厚切牛舌爽彈有咬口；焦糖菠蘿非常香甜。🔸紅酒牛面肉 $168牛面肉份量唔少，入口肉質軟腍，牛味濃郁，配有唔少紅蘿蔔。