芽籠

Open Now

Now Closed

行經芽龍門口，見到新加波菜於是入去試下，當時入面有一個男人準備掃緊安心，咁我企係男人後面，我就拎住個電話掃安心，點知counter個位姐姐話我打尖，應該比個位男人先掃，咁我等個男人掃完，我就掃啦，點知個位姐姐話，人地兩位，應該比後面個位小姐掃先。我望後面個位係我太太，再後面有個女人。同一時間我太太掃安心，個姐姐又話我地打尖。我就話，掃安心者，掃完都可以等，個位姐姐好惡咁話，咁係人地兩位先架嘛。心諗：咁執著，不過算啦食嘢者。點知當佢搞好晒個兩位客人，就好唔好態度叫我地掃針卡，我話我地掃晒啦，明明有兩個位，我地準備好等緊你安排。之後個位姐姐態度欠佳追問我太太：小姐，你掃針卡禾。太太話掃咗啦，頭先你唔比我地掃，以家就追問。最後無食Lee間嘢，免得受氣。