日本沖繩料理 (Closed)

友人做audit，而家係非常之忙，難得仲記得本宮o既生日，最難得係開OT中仍要請本宮食飯，本宮諗O左好耐，終於行到彩星，睇到一直都好想試下o既沖繩料理，所以就去試下。一入到去，裝潢好有feel，好多客人都係日本人，連小二都唔係本地人...一o黎就有2碟side dishes，係3條細魚仔，好好味，點知埋單時一睇，成30蚊一碟，2碟就成60蚊，痴線ga! 咁貴，簡直係搶錢，又冇問人要唔要!想叫海葡萄，點知冇... 唉~ 叫o左苦瓜炒豬肉，其實本宮一直都唔食苦瓜，叫e碟o野只係睇下究竟有幾好味，點知... 苦瓜仍然係苦，一d都食唔到回甘... 友人話如果去到我o地e個年紀，食苦瓜仍然覺得係苦，只有一個原因，只係因為我o地唔係人上人...叫o左碟花生豆腐，好古怪，因為本宮真係食唔慣凍o既豆腐，仲要係好硬o既豆腐，仲要係成舊都係豆腐，但又有花生味... 超越古怪...西京燒銀雪魚，好好味，原來點麵豉，係好味過點沙律醬...墨魚汁炒飯，又係好好味，d飯好粘，好得意，我o地爭食tim~壽司又係好好味，又好新鮮，尤其果碗唔知係咩~ 好滑，但又唔似昆布... 好得意...友人拎o左支醋玩，佢話好似養鬼