三田製麵所 (金朝陽中心二期 - Midtown)

Open Now

Now Closed

10/2公眾假期遊客多， 忽然想食沾麵，都有啲驚多人。嚟咗呢間三田製麵所完全唔使等位直接入。 之前睇食評有人介紹蝦湯沾麵所以先諗住嚟試， 點知應該係期間限定注定無緣。 咁我就點咗個豚骨魚介湯沾麵，中量。 被安排到單邊坐門口位 ，有蚊滋枱上行來行去。落單，店員一副唔想做咁嘅樣， 落完單先發現原來有熱面提供， 叫返住五步之內嘅店員，佢無反應扮聽唔到， 因為都想食熱麵，所以我堅持再嗌佢， 佢望都冇望我落完單就話咁“你係咪要”，我應咗話係。 入正題，唔使三分鐘碗麵就到咗， 碗魚介沾麵汁係熱嘅，亦都好濃鬱，濃得嚟唔鹹， 可惜嘅係個面浸咗落去，第一啖食落去，嘩，暖嘅？ 開頭以為係個沾麵汁唔夠熱，但後來發現係個麵本身只係室溫（ 本人特登有用嘴唇去試麵溫）。 到底呢個就係所謂嘅熱麵定係店員畀咗凍麵我呢， 呢個就不得而知。 面質還可以，但未稱得上煙韌q彈 。再嚟就係舊肉，冇味嘅，一嚿白肉切開上碗， 我都冇食曬，半個糖心蛋味道ok,有味也流心。食完後都不想久留，埋單，嘩，仲收加一，唔係far😅,總之感覺唔良好， 如無意外冇下次。