Video
Read full review
2023-05-28
153 views
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧講到依家位於中環SOHO區既餐廳”la Brasserie “其實不時都會經過，印象深刻玫瑰金字牌配搭深藍色店面加上深藍色和白色相間嘅凳仔，處處透露出一種高貴優雅浪漫嘅氣氛，其實Brasserie既意思係小酒館，餐廳入邊都比較大，門口除咗有個半露天嘅位置，入到去仲有一個吧枱，另外一邊已經有個儲酒店，今次同三位朋友趁着放假前一齊食餐好，同埋大家飲番杯，環境絕對有優勢下播放住法文歌，大家食飯嘅心情都不錯！坐低咗之後其實就會推來一車酒水，向我哋介紹一大輪酒，同埋詢問我哋有啲咩鍾意嘅酒或口味，我就選擇左一款一支喺法國香檳地區粉紅色氣泡酒”billecart salmon brut rose”，綿密幼細粉紅色氣泡，微甜較多酸味帶士多啤梨柑橘西柚味！Daily bread餐包會用一個好特別嘅貝殼形狀裝住，一共有成三款唔同餐包，每一款都係每日新鮮製，我試咗sourdough 同洋蔥包，兩款都好好食！Seafood Platter 海鮮拼盤其實選擇非常之多，而且可以自由搭配，亦都有二人或者四人嘅海鮮拼盤套餐，海鮮拼盤上有生蠔，麵包蟹，小龍蝦，青口，龍蝦
講到依家位於中環SOHO區既餐廳”la Brasserie “其實不時都會經過，印象深刻玫瑰金字牌配搭深藍色店面加上深藍色和白色相間嘅凳仔，處處透露出一種高貴優雅浪漫嘅氣氛，其實Brasserie既意思係小酒館，餐廳入邊都比較大，門口除咗有個半露天嘅位置，入到去仲有一個吧枱，另外一邊已經有個儲酒店，今次同三位朋友趁着放假前一齊食餐好，同埋大家飲番杯，環境絕對有優勢下播放住法文歌，大家食飯嘅心情都不錯！
坐低咗之後其實就會推來一車酒水，向我哋介紹一大輪酒，同埋詢問我哋有啲咩鍾意嘅酒或口味，我就選擇左一款一支喺法國香檳地區粉紅色氣泡酒”billecart salmon brut rose”，綿密幼細粉紅色氣泡，微甜較多酸味帶士多啤梨柑橘西柚味！
Daily bread
餐包會用一個好特別嘅貝殼形狀裝住，一共有成三款唔同餐包，每一款都係每日新鮮製，我試咗sourdough 同洋蔥包，兩款都好好食！
Seafood Platter
海鮮拼盤其實選擇非常之多，而且可以自由搭配，亦都有二人或者四人嘅海鮮拼盤套餐，海鮮拼盤上有生蠔，麵包蟹，小龍蝦，青口，龍蝦，海螺，每一款都好好食，非常之新鮮，尤其是推薦佢哋嘅生蠔同龍蝦，鮮甜可口！
Escargots bourguignonne
田螺肥美，香草牛油parlay butter再加濃烈嘅pink garlic 蒜油味！
Pate en croute $188
自家製豬肉批，酥皮包裏住鴨肉同foie Gras肝醬 ，在配搭時令沙律！
餐枱我哋分別揀咗洋蔥湯同埋龍蝦湯，洋蔥湯非常之濃郁，上面飄浮着法包，吸收晒湯汁嘅精華。龍蝦湯上面有片麵包薄片中間放咗魚子！兩款湯都十分之味道濃郁！
Main Entree
Bouillabaisse
海鮮濃湯上面佈滿多種海鮮例如有鮮蝦青口魚肉等，另外有薯仔等配菜，大家亦叫佢海皇湯，配搭多種貝類同鯛魚，湯底有濃郁海鮮味同蕃茄味交集係一齊
Magret de canard
「label rogue」又叫red legal 係一種國家質量認證，呢個係一款經過乾式熟成(Dry aging)同煙燻嘅鴨胸肉，經過天然酵素熟成，令到肉質達到軟嫩多汁的效果。香煎之後再配搭香橙汁和蜜糖，真係食過返尋味😋
Sole meuniere
多佛比目魚配焦化牛油汁，焦化牛油令到牛油更加昇華，其實好多法國菜尤其是係甜品都會用到焦化牛油，令到牛油味特別濃郁，而且多咗份堅果味！
另外可以加配多款配菜
酥炸千層薯$90 一定要叫！
焗千層薯$90 招牌菜之一!
凱撒沙律$80
烤大菇$80
Dessert
Crepes Suzette Au Gueridon
甜品方面有好多選擇，但係我哋見到呢隔離枱都有人點咗呢個甜品，感覺好吸睛，而且空氣中充滿橙味，會推出手推車即場烹煮，首先到有砂糖煮到微微焦糖化，再倒入成杯橙汁，加入檸檬汁同橙皮，最後倒入高濃度嘅橙酒，煮煮下仲會有熊熊火焰，大家都忍不住發出驚嘆聲！酸甜味配搭上雲呢拿雪糕，真係一個完美嘅甜品！
如果唔想錯過其他好介紹，記得follow我呀😘多謝大家！！！
你嘅支持就係我嘅動力！記得點讚❤️
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
La Brasserie (中環)
中環擺花街23-29號中環大廈地下D-E號舖
୨୧┈┈┈┈┈┈┈┈┈┈┈┈┈┈┈┈┈┈┈┈୨୧
Post
