保家山 (Closed)

近排成日都想食漢堡包，咁啱有一個朋友係漢堡包迷，就話佢極力推介觀塘呢間，會話質素不但好高，原主創辦嘅理念令到佢好感動。佢同我講話餐廳名背後嘅原因，其實inspiration來自長洲搶包山，不過由平安包轉成漢堡包，因為細個嘅時候每次食漢堡包都會好開心，但以前細個得嗰幾間大型牌子嘅漢堡包店出名，所以長大咗就想做一啲有香港特色同風味嘅漢堡包店，玩具話，呢間餐廳嘅漢堡包加入咗好多香港文化元素！我今次叫左個"山"手工和牛漢堡（港式醬汁） $98配埋紫菜薯條。個和牛漢堡煎得非常之好，仲要鎖住好多肉汁，連個包都好講究，外面脆，但係個包入邊keep住軟熟，最後加埋個微辣港式醬汁超好味。另外薯條超級酥脆，勁好食。正當我以為我朋友都會叫漢堡嘅時候，佢竟然要咗佢嘅鮮蟹肉牛油果意粉配粟米忌廉湯及沙律 $118。後來我朋友解釋話呢到其實唔單止漢堡好食，連麵都好出色，所以叫埋俾我一齊分享。牛油果意粉超級creamy，沙律醬亦都唔好清新，個湯好濃郁同埋好香粟米味。