Video
Read full review
2009-09-20
3 views
今日特登過去灣仔同銅鑼灣行街，行街之前就要飲個茶食個午餐先，係灣仔都有頗多唔同既酒樓，今日就黎左呢度啦。上到去即刻有位，環境唔錯好舒服，本身地方不大，但由於人客數量都唔多，所以尚算寬敞。D姐姐幾有禮貌，我地唔鍾意佢安排既位置都即刻換俾我地。一黎到就有碟脆卜卜既白飯魚花生既小食擺係面前，呢碟野又幾好食喎，脆脆地鹹鹹地，不過唔敢食太多，因為好熱氣。點心食物選擇不多，最後我們叫了四樣野食。不過講真，呢度D野食真係唔太好食，我覺得係一D基本既問題，食材唔得，所以點整都唔會好食。首先係個鹽燒鯖魚，完全無味，而且唔明點解條魚勁UN，好鬼難咬....一D都唔覺得自己食緊魚，似瘦肉多D，而且本身條魚唔靚，一D魚味都無。之後叫左隻BB鴿，情況一樣，隻BB鴿完全無肉架喎，瘦到不得了，真係少少肉都咬唔到，個皮唔夠脆，少少油都無，好難食呀。之後個兩樣都叫做正常D，金瓜千層糕個味道係正常可以接受，雖然我覺得太淋無咩口感，但比起上面個 2 個都叫做好好架啦，起碼食到淡淡既南瓜味，唔會咩味都無呀。最後叫左個叉燒粒紅米炒飯，其實即係叉燒炒飯啦，如果佢咁都整得難食我真係覺得佢地唔應該做廚師囉，個炒飯叫做乾爽，叉燒唔係特
上到去即刻有位，環境唔錯好舒服，本身地方不大，但由於人客數量都唔多，所以尚算寬敞。D姐姐幾有禮貌，我地唔鍾意佢安排既位置都即刻換俾我地。
一黎到就有碟脆卜卜既白飯魚花生既小食擺係面前，呢碟野又幾好食喎，脆脆地鹹鹹地，不過唔敢食太多，因為好熱氣。點心食物選擇不多，最後我們叫了四樣野食。
不過講真，呢度D野食真係唔太好食，我覺得係一D基本既問題，食材唔得，所以點整都唔會好食。首先係個鹽燒鯖魚，完全無味，而且唔明點解條魚勁UN，好鬼難咬....一D都唔覺得自己食緊魚，似瘦肉多D，而且本身條魚唔靚，一D魚味都無。之後叫左隻BB鴿，情況一樣，隻BB鴿完全無肉架喎，瘦到不得了，真係少少肉都咬唔到，個皮唔夠脆，少少油都無，好難食呀。
之後個兩樣都叫做正常D，金瓜千層糕個味道係正常可以接受，雖然我覺得太淋無咩口感，但比起上面個 2 個都叫做好好架啦，起碼食到淡淡既南瓜味，唔會咩味都無呀。最後叫左個叉燒粒紅米炒飯，其實即係叉燒炒飯啦，如果佢咁都整得難食我真係覺得佢地唔應該做廚師囉，個炒飯叫做乾爽，叉燒唔係特別靚，有D好鬼UN，所以無咩感覺，唔難食亦唔係特別出色。
最靚係杯茶呀，叫左壺鐵觀音都叫做夠濃幾好飲，食物真係不值一提。價錢收費一點也不便宜，這樣的食物質素，想我再黎都真係非常困難既一件事。
Post
