Video
Read full review
2008-08-07
3 views
之前試過銅鑼灣分店的2人套餐,感覺有點失望.8號波剛下,近近地,一於比多次機會佢,試下呢間(平日好多時都要等位架)這次不要套餐了,花點精神時間,細閱Menu...最後點了:-1杯普洱;1杯龍井 (茶完全沒香味,得個色)-酒糟雞: 酒不香,帶苦;雞好鞋-馬蘭頭: 越食越咸,好多味精,食到喉嚨好唔舒服-鮮肉小籠包: 肉有少少豬臭味-茨菜松茸炒年糕: 走哂D料,剩食年糕就不錯-素雜錦炒粗麵(類似上海粗炒): D菇同個豉油汁有好重苦澀味, 好差!小籠包不出色;其餘的食品沒水準,服務又不見得貼心...沒下次了.題外話:鄰座(跟我們share 4人木台)一對男女食客,操國語+少少英語.男的那位,40左右吧,很瘦很虛弱的樣子,拿著拐杖(不是傷殘,只是弱不禁風似的),很辛苦的坐低(在我旁)隔一陣就咳,一路咳,咳得好辛苦,連咳都冇乜力咁...咳時他沒有用紙巾遮口(他一直沒戴口罩); 只用瘦瘦的手指遮一遮個咀...我忍不住在幻想...是來香港睇病的嗎??是什麼病呢??肺癆??唔係卦...越想越驚...而他們另一旁的食客比我更sensitive, 係咁望/啤住佢地...在六神無主情況下(調位?叫佢咳就用ti
8號波剛下,近近地,一於比多次機會佢,試下呢間(平日好多時都要等位架)
這次不要套餐了,花點精神時間,細閱Menu...
最後點了:
-1杯普洱;1杯龍井 (茶完全沒香味,得個色)
-酒糟雞: 酒不香,帶苦;雞好鞋
-馬蘭頭: 越食越咸,好多味精,食到喉嚨好唔舒服
-鮮肉小籠包: 肉有少少豬臭味
-茨菜松茸炒年糕: 走哂D料,剩食年糕就不錯
-素雜錦炒粗麵(類似上海粗炒): D菇同個豉油汁有好重苦澀味, 好差!
小籠包不出色;其餘的食品沒水準,服務又不見得貼心...沒下次了.
題外話:
鄰座(跟我們share 4人木台)一對男女食客,操國語+少少英語.男的那位,40左右吧,很瘦很虛弱的樣子,拿著拐杖(不是傷殘,只是弱不禁風似的),很辛苦的坐低(在我旁)隔一陣就咳,一路咳,咳得好辛苦,連咳都冇乜力咁...咳時他沒有用紙巾遮口(他一直沒戴口罩); 只用瘦瘦的手指遮一遮個咀...
我忍不住在幻想...是來香港睇病的嗎??是什麼病呢??肺癆??唔係卦...越想越驚...而他們另一旁的食客比我更sensitive, 係咁望/啤住佢地...在六神無主情況下(調位?叫佢咳就用tissue遮口?直接問佢有冇事?埋單走人??),結果什麼都沒做, 心緒不寧的吃了這餐飯...
請問各位食友又會如何取捨??
晚上在房中喝水時嗆親咳了幾聲...男友在大廳即好緊張問下你真係咳呀? -___-"
下次都係埋單即走好了...虛驚成晚!
Post