泰簡單

Open Now

Now Closed

好在有book位，晚市連室外都幾乎full house。泰國人主理嘅餐廳，serves 同chef都係泰國人，一入去好快感受到熱情。環境乾淨cozy。食物有水準，味道偏濃。 ✦ 冬蔭功湯熱辣辣、真係幾辣辣，冬天飲好舒服。好足料，大大隻蝦、仲有蝦膏，同好多好多菇類。整體好惹味、開胃。 ✦ 馬拉盞通菜味道濃郁、炒得香口，大大盤好抵食。 ✦ 烤豬頸肉沙律豬頸肉嫩滑爽口，醬汁酸酸甜甜。配有生菜，可以包埋洋葱香葱等食，加一份freshness去中和。同樣係惹味嘅菜式。 ✦ 皇宮大蝦蛋網炒金邊粉色香味俱全。蛋網好靚，打卡一流。大蝦大隻鮮甜，蝦球爽彈，金邊粉掛咗濃厚甜甜酸酸嘅醬汁，口感豐富、味道有層次。 餐廳夜晚仲有cocktail可以order, chill住過嘅地道泰國夜。