鬼金棒辣麻牛骨湯拉麵

Open Now

Now Closed

下午茶哥哥話食拉麵，記得圍方開咗鬼金棒，不過佢怕好辣，決定先去睇再下決定。門口餐牌寫明所有麵可走辣，咁就入去坐啦！我吃牛小麻小辣走洋蔥再加份餃子，哥哥吃豬走辣。食物都嚟得好快，10分鐘左右有得食。牛麵有兩片牛同牛根，牛筋太腍，整體普普通通。哥哥豬麵湯幾好味，兩舊腩肉亦相當震撼，不過佢竟然食唔晒碗麵，原來小朋友不喜歡韭菜粒，所以食剩四分一，反正我都未飽就食埋佢啦！豬麵好食過牛麵，不過真係唔欣賞豬腩肉，除咗賣相帶比我驚喜，味道其實麻麻，雖然切得好工整，但肉質有點粗嚡，寧願食返普通拉麵叉燒好過。