方榮記沙嗲牛肉專家

Open Now

Now Closed

沙爹湯底鹹到真係要洗腎。知就知佢鹹，真係唔知佢咁Q鹹。油多就更加唔使講。用嚟淥菜真係吸晒啲油。喊到懷疑人生。真係可以賣多啲啤酒。牛肉鞋到七彩，雖然唔係最貴嗰啲，但都只係淥左一陣，生食可能都鞋。仲要唔係平。其他嘢極之普通，價錢除外。找數想要張單有咩問題呢？都話唔印得，只俾你影相。稅務局報稅睇相得唔得？個人六百幾找數，貼錢買難受，真係去大排檔炒兩個餸食好過。幾年前食都幾好食，依家竟然搞成咁。真係唔需要再嚟。