三門仔漁港 (Closed)

五．一勞動節，上午去了打羽毛球，打完波朋友知我下午要去大尾篤bb蕉，所以驅車往大尾篤吃個午餐，但係大尾篤由於車太多，冇車位，所以就去了三門仔開飯！有免費車位提供，面對無敵海，坐位有室外和內，我們選擇了室外，很舒服，很涼快！環境一流！四人點了少少餸，蒜香骨：得幾件，真係超少，但味道都係一般！桶雞：有川椒味，味道夠辣，但啲雞炸得過火。豉油王炒麵：都幾搵笨架，超細碟，仲有menu係冇寫有炒麵嘅，只要你說就可以有得賣，冇亦冇價錢！香煎吊片肉餅：加了馬蹄，味道都尚可，但朋友話食唔出吊片味。我點了青檸梳打，朋友點了咖啡，我的梳打係無糖，很清很有青檸味， 朋友的咖啡老遠已嗅到其香！^^咁就＄500