Video
Read full review
2023-08-19
221 views
難得放低女女，當然要畀自己好好享受下，講咗好耐想試嘅omakase，今日終於有機會啦！由前菜到甜品都好似睇表演一樣，絕對係視覺同味覺嘅雙重享受。.➜白露筍/山藥吞拿魚/北海道粟米清酒啫喱清甜爽口嘅白露筍，再淋上酸甜清新自家醬汁，好開胃；綿密口感嘅山藥配上吞拿魚，令味道變得層次豐富； 最令人驚喜嘅係粟米清酒啫喱，清酒嘅香甜度同粟米嘅香甜同時散發喺口入面！.➜北海道昆布森生蠔➜粒貝➜石鯛 肥美鮮甜嘅北海道昆布森生蠔本身Size已經特別大隻，加埋濃郁Creamy嘅口感，食落更加滋味滿足；少見嘅粒貝刺身份量係畀咁多㗎，爽口甜美，配搭岩鹽仲可以帶出鮮味𠻹；夏日時令嘅白身魚又點少得石鯛，油脂豐富，入口清甜。.➜慢煮八爪魚平時食開八爪魚都好似好難咬，第一次食到入口超級軟腍而且保留鮮味嘅八爪魚，好有驚喜！.➜拖羅天婦羅三文治睇見已經心心眼，勁厚切嘅中拖羅夾喺三文治中間再變成天婦羅，外脆內軟嘅口感，入口散發嘅油脂味.➜甘鯛立鱗燒 連魚鱗都可以食！以燒熱嘅滾油淋喺魚鱗上，魚鱗遇到了高溫後片片微微翹起，好似一隻小刺蝟咁，肉質好嫩滑，加埋滾油嘅洗禮，連魚鱗都脆卜卜㗎！.➜沙甸魚卷➜八角魚➜帆立貝竹炭鹽➜長筒魷
難得放低女女，當然要畀自己好好享受下，講咗好耐想試嘅omakase，今日終於有機會啦！
由前菜到甜品都好似睇表演一樣，絕對係視覺同味覺嘅雙重享受。.
➜白露筍/山藥吞拿魚/北海道粟米清酒啫喱
清甜爽口嘅白露筍，再淋上酸甜清新自家醬汁，好開胃；綿密口感嘅山藥配上吞拿魚，令味道變得層次豐富； 最令人驚喜嘅係粟米清酒啫喱，清酒嘅香甜度同粟米嘅香甜同時散發喺口入面！.
➜北海道昆布森生蠔
➜粒貝
➜石鯛
肥美鮮甜嘅北海道昆布森生蠔本身Size已經特別大隻，加埋濃郁Creamy嘅口感，食落更加滋味滿足；少見嘅粒貝刺身份量係畀咁多㗎，爽口甜美，配搭岩鹽仲可以帶出鮮味𠻹；夏日時令嘅白身魚又點少得石鯛，油脂豐富，入口清甜。.
➜慢煮八爪魚
平時食開八爪魚都好似好難咬，第一次食到入口超級軟腍而且保留鮮味嘅八爪魚，好有驚喜！.
➜拖羅天婦羅三文治
睇見已經心心眼，勁厚切嘅中拖羅夾喺三文治中間再變成天婦羅，外脆內軟嘅口感，入口散發嘅油脂味.
➜甘鯛立鱗燒
連魚鱗都可以食！以燒熱嘅滾油淋喺魚鱗上，魚鱗遇到了高溫後片片微微翹起，好似一隻小刺蝟咁，肉質好嫩滑，加埋滾油嘅洗禮，連魚鱗都脆卜卜㗎！.
➜沙甸魚卷
➜八角魚
➜帆立貝竹炭鹽
➜長筒魷魚
➜生鯖魚
➜黑松露銀鱈魚
➜拖羅
➜馬糞海膽
進入壽司環節，睇住師傳一邊準備一邊同我哋介紹，每一啖都好享受，而且仲會因應客人嘅需要增加/減少飯量同芥末，非常貼心！特別想提第一次食到生鯖魚壽司，一入口以為會好腥，但用咗梅子醬，增𠻹香氣嘅同事令鯖魚本身嘅魚味冇咁濃，好特別。而滿足嘅當然係最後嘅馬糞海膽壽司，以靚靚嘅香檳杯上碟，味道濃厚甘甜。.
➜北海道赤肉密瓜
➜檸檬奶凍
師傅都提我哋要先食密瓜再食奶凍，因為食完真係會愛上檸檬奶凍，好似雪糕咁入口即溶，留低嘅係滿滿嘅檸檬香味！.
#msmessypig_food
Post
