Video
Read full review
2024-11-18
240 views
有一日中午我嚟咗呢一度，叫咗一碟鵝腸飯，系全碟都係鵝腸，麻甩得嚟我覺得好治癒。跟住見到個餐牌，夜晚啲嘢全部半價，而且非常公道，隔幾日就搵咗另外一個同事一齊嚟食，一個字，全部都係啖啖肉，性價比超高。🍖先由拍黃瓜開始講啦。長條形，厚切，容易食之餘，大面積接觸到醋，清新間隔住酸酸尾尾，實而不華嘅開胃菜依依。🍖酸菜魚，其他餐廳嘅酸菜魚我都經常食，都覺得非常好味，到食咗呢個，我有少少覺得翻唔到轉頭。佢地竟然用大斑魚，即係龍躉。正如俗語所講，Once you go斑， you can't go 低一班! 龍躉嘅肉一啲都唔老，有充實嘅感覺，又係厚切，而且帶魚皮，食到骨膠原嘅韌性。聽店員講，系用勁大條嗰啲深海龍躉自己起肉，聽落都覺得矜貴。配搭調味適中嘅酸菜同辣口味，食完唔會覺得好似其他嘅酸菜魚，成口味精嘅感覺。🍖我哋嚟到嘅時候咁啱見到佢啲蟹到貨，一個男店員攞起一隻，條繩鬆鬆哋，隻蟹踢腳用力好猛，咁新鮮生猛，我哋又即刻叫咗一隻，用避風塘方法做。隻蟹上台霸氣十足，君臨天下咁。兩隻大鉗藏唔住，好震撼，好易剝開而且完好無缺，新鮮飽滿。係炸蒜粒下面其他脚都好好肉，而且黏上更多蒜味，配埋超多膏既蟹殼，一流！🍖仲有
🍖先由拍黃瓜開始講啦。長條形，厚切，容易食之餘，大面積接觸到醋，清新間隔住酸酸尾尾，實而不華嘅開胃菜依依。
🍖酸菜魚，其他餐廳嘅酸菜魚我都經常食，都覺得非常好味，到食咗呢個，我有少少覺得翻唔到轉頭。佢地竟然用大斑魚，即係龍躉。正如俗語所講，Once you go斑， you can't go 低一班! 龍躉嘅肉一啲都唔老，有充實嘅感覺，又係厚切，而且帶魚皮，食到骨膠原嘅韌性。聽店員講，系用勁大條嗰啲深海龍躉自己起肉，聽落都覺得矜貴。配搭調味適中嘅酸菜同辣口味，食完唔會覺得好似其他嘅酸菜魚，成口味精嘅感覺。
🍖我哋嚟到嘅時候咁啱見到佢啲蟹到貨，一個男店員攞起一隻，條繩鬆鬆哋，隻蟹踢腳用力好猛，咁新鮮生猛，我哋又即刻叫咗一隻，用避風塘方法做。隻蟹上台霸氣十足，君臨天下咁。兩隻大鉗藏唔住，好震撼，好易剝開而且完好無缺，新鮮飽滿。係炸蒜粒下面其他脚都好好肉，而且黏上更多蒜味，配埋超多膏既蟹殼，一流！
🍖仲有個脆皮牛，係好正既功夫菜，牛肉唔知係慢煮定焗左先，入面做得好林，但係紋理好清晰，而且係見到肉汁係肉縫流出，留意係見到，唔係食到咁簡單。仲有薄薄一層炸漿係出面，我想改佢個名做流心脆牛肉。
呢晚系星期三，大家知道香港人宜家都唔會出街食飯，呢度排隊嘅人超多，座無虛席，可想而知佢哋的確系有自己嘅一套吸引力法則。聽講半價項目每月更新，下個月又黎先！
Post
