鱻88日本料理 (Closed)

點解咁鐘意食日本料理，原因好簡單款式同口味都比較有特色，最緊要又啱自己口味，就早排同好友行開佐敦執筍嘢，望見呢間日本料理店又有新款美食推介係活海鰻會席咁吸引當然要去品嚐一下橫掂又未開飯，原來係用活海鰻制作不同特色菜色，係套餐內已有六道菜色，又可以食出不同嘅味道，仲可以加錢食埋原條活魚刺身當然每日來貨有所不同用左當日新鮮時令活魚做刺身，食落口感確實鮮味十足又爽彈，輪到活海鰻會席出場，先來係季節沙律，入口開胃清新又食到脆卜卜魚皮再來係刺身盛合3點，當然先食番件間八肉質爽口彈牙而且仲係厚切，帶子肉質飽滿多汁，甜蝦亦一樣鮮甜，接住另一道係活海鰻蒸年糕，第一啖會食到香軟綿綿嘅年糕，再咬多一啖就會食到香嫩海鰻肉又甜又鹹夠晒特別口感十足食完蒸輪到炸又點會冇天婦羅入口夠晒香脆之餘又食到魚肉鮮味，眨眼已品嚐左幾款口味再來係活海鰻籠仔蒸飯，一揭開蒸籠已見一塊又一塊至愛美味活海鰻，真係要熱辣辣食咁先最好味，面層香口又鬆軟內裏食到海鰻鮮嫩肉質滿口油香係口中夠晒滋味，再食番啖飯咁至完美，輪到最後係活海鰻玉子蛋糕，蛋糕入囗香甜又軟綿咁又品嚐完一餐美味日式料理。