Video
Read full review
2024-06-13
4736 views
（又時光倒流寫食評😜）10/11/2023家母生日，去咗灣仔海港薈 （家母之前同佢啲朋友幫襯過好幾次，每次都會食長腳蟹）最近做緊優惠$188/斤，所以我哋都去試吓。我哋四個人，叫咗一隻大約4斤幾嘅蟹 （埋單隻蟹大約八百幾），另外叫咗牛柳粒、櫻花蝦椰菜粉絲煲、壽包。一開始梗係食蟹先啦，勁大隻，啲腳勁粗，啖啖肉好好味。佢會另外有一兜蟹膏（黃）起咗出嚟方便食，如果點埋啲蟹肉食真係正。基本上我哋食完隻蟹都覺得有7、8成飽（其實係有啲滯）🤪🤪牛柳粒炒得好有鑊氣，好香。不過牛柳粒嘅份量勁少（同埋都有少少肥）、反而冬菇茄子嗰啲就大量😬😬櫻花蝦椰菜粉絲煲，完全見唔到食唔到聞吾到櫻花蝦🫠🫠椰菜就好多啦，粉絲份量都多。不過味道就一般啦。我相信去呢間酒樓食長腳蟹都係主打，因為都差唔多有八成嘅枱，都係食長腳蟹。（家母話平時就$288/斤的）
10/11/2023
家母生日，去咗灣仔海港薈 （家母之前同佢啲朋友幫襯過好幾次，每次都會食長腳蟹）最近做緊優惠$188/斤，所以我哋都去試吓。
我哋四個人，叫咗一隻大約4斤幾嘅蟹 （埋單隻蟹大約八百幾），另外叫咗牛柳粒、櫻花蝦椰菜粉絲煲、壽包。
一開始梗係食蟹先啦，勁大隻，啲腳勁粗，啖啖肉好好味。佢會另外有一兜蟹膏（黃）起咗出嚟方便食，如果點埋啲蟹肉食真係正。基本上我哋食完隻蟹都覺得有7、8成飽（其實係有啲滯）🤪🤪
牛柳粒炒得好有鑊氣，好香。不過牛柳粒嘅份量勁少（同埋都有少少肥）、反而冬菇茄子嗰啲就大量😬😬
櫻花蝦椰菜粉絲煲，完全見唔到食唔到聞吾到櫻花蝦🫠🫠椰菜就好多啦，粉絲份量都多。不過味道就一般啦。
我相信去呢間酒樓食長腳蟹都係主打，因為都差唔多有八成嘅枱，都係食長腳蟹。（家母話平時就$288/斤的）
Post
