皊叄木

Open Now

Now Closed

來到元朗搵好嘢食，朋友介紹，朗屏新開日式串燒居酒屋《皊叁木》。店內裝修和式設計，整潔又整齊，燈光溫馨又和諧。啤酒買二送一，The Premium Malt's~食串燒又點可以少得啤酒呢！街市白鱔~烤得勁香，皮堅脆，肉質爽滑；牛頸脊串~非常juicy，烤嘅時間剛好；牛舌芯~ 比一般嘅牛舌更香，口感唔錯；薄燒卡樂B牛肉~嫩滑牛肉片；豬腩片山葵卷~日式芥辣豬腩串燒；燒雞皮~賣相勁可愛，撐起嘅雞皮烤得勁香脆；封門柳~另一個值得叫嘅牛肉位置；蒜心串~ bb蒜心，嫩綠爽脆；大蔥雞肉串~ 叫多個大蔥+嫩滑雞肉串，自家調製醬汁特別美味；脆炸明太子釀青椒仔~呢個真真有驚喜，日式青椒仔載滿香口明太子，沾上薄薄炸粉，即叫即做，非常可口；蒜蓉櫻花蝦燒米茄~燒得香口，櫻花蝦特別香脆，蒜蓉醬汁燒茄子，正！燒右口魚邊飯卷~估你唔到，一大碗米飯炒得香口粒粒跳，自己動手用紫菜包住炒飯吃，感覺好溫暖。炸紫菜米紙~ 送啤酒最啱，薄薄一片，件件香脆食過返尋味。全年不收加一。