初心

Open Now

Now Closed

將軍澳站呢邊搵食真係大把選擇，但要搵間有質素既啤酒，雞煲，火鍋，任飲任食，真心難。難又唔代表冇。今晚呢度任飲醇滑嘉士伯，再加雞煲火鍋任食，聽到都覺得正。任食最重要枱夠大，可以放到好多食物，呢度做到。先送上三文魚刺身，無諗過擺碟都咁靚仔，而且厚切，一嚟就有好嘢。再送上幾碟開胃小食，每日5款。見到松露蝦多士又有椒鹽三文魚頭腩，仲有涼伴雲耳，麻辣鴨血同炸雞，真係有誠意。招牌雞煲香噴噴，辣道自由選擇，雞肉都幾嫩，蒜，枝竹，豬皮好豐富，整體香濃惹味，不過留肚是必須的，好戲在後頭。火鍋有多款湯底揀，最特別一定係養生蓮花鍋。大大個蓮花放落湯底，好有睇頭。本身湯底帶點胡椒香，加埋蓮花，清清地又不失香味。環球海鮮拼盤雖然得一次，但提供既海鮮都好高質，今晚就有生猛海蝦大鮑魚，龍躉件，翡翠螺，吊桶，海蜆同生猛海蝦。真係估唔到入嚟任食海鮮都咁新鮮。火鍋配料都好豐富，極尚肥牛、黑豚肉、手打牛丸、炸響鈴、蟹籽丸、龍蝦丸、黃金魚腐、炸魚片頭、年糕福袋，總之乜都有。加埋有飲品任飲，埋單仲送你雪米糍，無可能唔係飽住走。