Video
Read full review
2019-09-02
151 views
今日同屋企人黎到呢間位於鰂魚涌既食店。我地叫左一個隨心海南雞飯，一個凡立貝喇沙同一個小食炸香蕉。首先黎左嘅係海南雞飯。盛菜嘅碟非常特別，造型酷似竹蓆，望落有趣之餘亦有一絲清爽感覺。食物方面，除左油飯同充滿光澤嘅海南雞之外，亦有青瓜，木耳同小蕃茄作伴碟。油飯充滿油香，但唔會過份油膩，而且食落口粒粒分明，軟硬都適中。海南雞除左有色澤之外，肥瘦比例亦都啱啱好，食落去有肥肉嘅滑溜感但唔會成口膏。雞肉本身已經鮮味十足，雞味濃厚，再搭配三種唔同嘅醬汁使味道更上一層樓。有薑蓉，豉油同酸辣醬三款，而我個人最推薦嘅就係酸辣醬，酸酸辣辣，更加帶出雞嘅鮮味。同海南雞飯一齊上嘅仲有一杯杞子雞湯，同樣都係雞味十足，入口順滑。跟住黎嘅係凡立貝喇沙。麵底由米粉同賴粉兩款組成，一碗麵有雙重口感。喇沙湯底色香味俱全，顏色鮮美引人入勝，聞落香料味十足。飲左一啖湯，湯底非常香滑，有淡淡花生味，由各種香料組成嘅辣味唔會單一，而係有深層次嘅辣味，刺激味蕾之外，唔同食材亦圍繞住呢種辣味融為一體。當然唔少得嘅就係凡立貝，凡立貝每粒都大大粒，一碗入面就有三粒凡立貝，非常豐富。凡立貝鮮味非常，一入口香味就散發於口腔之內，吞下之後喉嚨深
今日同屋企人黎到呢間位於鰂魚涌既食店。我地叫左一個隨心海南雞飯，一個凡立貝喇沙同一個小食炸香蕉。
首先黎左嘅係海南雞飯。盛菜嘅碟非常特別，造型酷似竹蓆，望落有趣之餘亦有一絲清爽感覺。食物方面，除左油飯同充滿光澤嘅海南雞之外，亦有青瓜，木耳同小蕃茄作伴碟。油飯充滿油香，但唔會過份油膩，而且食落口粒粒分明，軟硬都適中。海南雞除左有色澤之外，肥瘦比例亦都啱啱好，食落去有肥肉嘅滑溜感但唔會成口膏。雞肉本身已經鮮味十足，雞味濃厚，再搭配三種唔同嘅醬汁使味道更上一層樓。有薑蓉，豉油同酸辣醬三款，而我個人最推薦嘅就係酸辣醬，酸酸辣辣，更加帶出雞嘅鮮味。同海南雞飯一齊上嘅仲有一杯杞子雞湯，同樣都係雞味十足，入口順滑。
隨心海南雞飯(無骨)
17 views
0 likes
0 comments
跟住黎嘅係凡立貝喇沙。麵底由米粉同賴粉兩款組成，一碗麵有雙重口感。喇沙湯底色香味俱全，顏色鮮美引人入勝，聞落香料味十足。飲左一啖湯，湯底非常香滑，有淡淡花生味，由各種香料組成嘅辣味唔會單一，而係有深層次嘅辣味，刺激味蕾之外，唔同食材亦圍繞住呢種辣味融為一體。當然唔少得嘅就係凡立貝，凡立貝每粒都大大粒，一碗入面就有三粒凡立貝，非常豐富。凡立貝鮮味非常，一入口香味就散發於口腔之內，吞下之後喉嚨深處仍有淡淡餘香。除左凡立貝之外，亦有蟹柳，魚片，蟹柳柔軟吸收左湯汁，魚片亦厚度適中爽口彈牙。
帆立貝喇沙
13 views
0 likes
0 comments
炸香蕉非常之特別，外層炸得黃金香脆，但內裏嘅香蕉仍然非常軟滑。焦化嘅外層略帶苦味，同糖化嘅香港超夾，相輔相成。
炸香蕉
6 views
0 likes
0 comments
飲品方面，叫咗一杯檸檬薏米水，薏米水清甜可口，帶檸檬嘅酸味再加上薏米嘅口感，健康得來亦都非常好飲。
檸檬薏米水
6 views
0 likes
0 comments
Post
