Video
Read full review
2010-07-05
16 views
唔知係咪因為世界杯影響，我一行4人成為呢間店當晚第1檯客，時間大約晚上8點。店內座位唔多，環境裝修舒服，仲有個露天位方便需要呼吸新鮮空氣既人，幾好格調。先黎一份刺身拼盤，有牡丹蝦、三文魚腩、蚌、帶子同鯛魚，厚切(一流)，新鮮，夠凍，食落好滿足。跟住係日式厚蛋燒，好少可係香港食到咁好味既厚蛋燒，有曼魚同蝦兩款口味。壽司淨係叫左一款牛油果軟殼蟹，份量充足，味道OK。餃子漲卜卜，煎得好香。叫左個煙肉鵪春蛋，阿肥仔大廚話呢個係膽固醇卷膽固醇，哈，但食落唔會油，唔怕膽固醇既其實好好食。其餘仲叫左大蝦天婦羅、清酒煮白螺、蒜片牛柳粒、雞腎、雞軟骨、鹽燒雞翼同多春魚。仲開左支越前純米吟釀 ~ 春夏秋雪。最後係好好好好味既芝麻雪糕。估唔到灣仔一條掘頭巷會有間咁好味既日本料理，希望佢就算人多都保持到呢個水準就好喇。
店內座位唔多，環境裝修舒服，仲有個露天位方便需要呼吸新鮮空氣既人，幾好格調。
先黎一份刺身拼盤，有牡丹蝦、三文魚腩、蚌、帶子同鯛魚，厚切(一流)，新鮮，夠凍，食落好滿足。
跟住係日式厚蛋燒，好少可係香港食到咁好味既厚蛋燒，有曼魚同蝦兩款口味。
壽司淨係叫左一款牛油果軟殼蟹，份量充足，味道OK。
餃子漲卜卜，煎得好香。
叫左個煙肉鵪春蛋，阿肥仔大廚話呢個係膽固醇卷膽固醇，哈，但食落唔會油，唔怕膽固醇既其實好好食。
其餘仲叫左大蝦天婦羅、清酒煮白螺、蒜片牛柳粒、雞腎、雞軟骨、鹽燒雞翼同多春魚。
仲開左支越前純米吟釀 ~ 春夏秋雪。
最後係好好好好味既芝麻雪糕。
估唔到灣仔一條掘頭巷會有間咁好味既日本料理，希望佢就算人多都保持到呢個水準就好喇。
Post
