天外天

下午茶比較少去酒店食中菜，尤其是中式點心，今日咁啱係歷史博物館附近行街，就決定去呢度試下high tea。天外天位於Hotel Icon 28樓，因為係平日，人唔算太多，所以安排到窗口位置，居高臨下，可以望住個維港靚景享受美食。內裏裝修有別於一般中式酒樓，帶有一些西式餐廳的感覺，整體感覺幾舒服。叫左幾籠點心，腸粉，阿拉斯加長腳蟹餃和金箔松露龍蝦餃。腸粉十分細緻嫩滑，餡料豐富，美味十足。特色餃十分出色😍，皮薄餡足，最重要又唔會太大隻，十分適合淺嘗，同時間可以試多幾款😆，兩個餃的長腳蟹及蝦都好爽、好彈牙，咬落去有爽脆的聲音，亦好香蟹味和蝦味，賣相、口感、味道都很驚艷！