Video
Read full review
2021-09-20
871 views
諗諗吓好似好耐冇食過韓國菜🤔就上網搵吓有冇炸雞好食見到呢間係銅鑼灣嘅韓式料理係由韓國人主理就好想去尋回韓國好味道🇰🇷.🌟醬油牛肉炒粉絲 （$118）啱啱拎上枱嘅時候仲出煙 可見即叫即炒粉絲煮得好入味 而且牛肉嘅份量亦都好多仲用上三色椒同菇 夠晒足料同健康🥰.🌟醬油無骨炸雞 半份 （$120）炸雞可以話係重頭戲🤩半份嘅份量有五大舊炸雞醬油甜甜地 加上香脆嘅外層 有少少似焦糖爆谷咁加埋啖啖肉嘅冇骨炸雞 真係大滿足！😋.🌟 蜜蜂蜜黃油炸雞 半份 （$130）呢款炸雞都係冇骨 外層就加上調味粉而且餐廳提供左特製醬汁洋蔥沙律醬帶點酸味 令炸雞唔油膩同更開胃芥末醬亦都同炸雞好夾 外層香脆得黎仲保持到雞肉嘅肉汁🤤.🌟海鮮蔥餅 （$140）海鮮蔥餅嘅份量好多而且好足料入邊會有蝦同埋各種蔬菜我最鍾意就係煎餅嘅邊邊因為佢煎到脆卜卜 唔同中間部份比較腍身餐廳仲配埋特製嘅醬汁 點完之後味道更加好🤪.🌟奧利奧奶昔 （$65） 呢個奶昔嘅賣相一流有香濃嘅oreo味 啱晒做飯後一點甜.🌟青提子米酒 （$78）食炸雞最好就係配埋飲酒小編本身好怕米酒嘅味但係加入左青提子嘅清新甜味之後就好易入口米酒入面仲有三粒提子 清甜
就上網搵吓有冇炸雞好食
見到呢間係銅鑼灣嘅韓式料理係由韓國人主理
就好想去尋回韓國好味道🇰🇷
.
🌟醬油牛肉炒粉絲 （$118）
啱啱拎上枱嘅時候仲出煙 可見即叫即炒
粉絲煮得好入味 而且牛肉嘅份量亦都好多
仲用上三色椒同菇 夠晒足料同健康🥰
.
🌟醬油無骨炸雞 半份 （$120）
炸雞可以話係重頭戲🤩
半份嘅份量有五大舊炸雞
醬油甜甜地 加上香脆嘅外層 有少少似焦糖爆谷咁
加埋啖啖肉嘅冇骨炸雞 真係大滿足！😋
.
🌟 蜜蜂蜜黃油炸雞 半份 （$130）
呢款炸雞都係冇骨 外層就加上調味粉
而且餐廳提供左特製醬汁
洋蔥沙律醬帶點酸味 令炸雞唔油膩同更開胃
芥末醬亦都同炸雞好夾
外層香脆得黎仲保持到雞肉嘅肉汁🤤
.
🌟海鮮蔥餅 （$140）
海鮮蔥餅嘅份量好多
而且好足料入邊會有蝦同埋各種蔬菜
我最鍾意就係煎餅嘅邊邊
因為佢煎到脆卜卜 唔同中間部份比較腍身
餐廳仲配埋特製嘅醬汁 點完之後味道更加好🤪
.
🌟奧利奧奶昔 （$65）
呢個奶昔嘅賣相一流
有香濃嘅oreo味 啱晒做飯後一點甜
.
🌟青提子米酒 （$78）
食炸雞最好就係配埋飲酒
小編本身好怕米酒嘅味
但係加入左青提子嘅清新甜味之後就好易入口
米酒入面仲有三粒提子 清甜解渴 有得飲又有得食
.
餐廳嘅佈置好有心思 靠牆有一列好似溫習枱嘅二人位 夠晒溫馨
多人亦都可以坐大枱 牆上仲投影左k-pop嘅mv
可以一路食一路聽歌～ 🎶
Post
