鮨石 (Closed)

上個月去咗日本食廚師發辦，返到香港成日心掛掛，最後搵咗一間位於尖沙咀既鮨石，試吓搵唔搵到係日本既感覺🤤第一道菜係一個前菜拼盤，有酒盜明蝦，無花果胡麻醬，蓮藕有機物加醋。酒盜係醃漬的海鮮內臟，平常係居酒屋會配芝士，今次配蝦，口味會冇咁濃，作為開胃小食一流。第二道菜係九洲伊佐木魚，另外仲跟咗個花。刺身可以就咁食用，亦都可以配上花冧，夾住嚟食。師傅教我哋可以用手先拍打一下花冧，釋放一下佢嘅香氣，除咗味覺之外，嗅覺亦有另一種享受。第三道菜係北海道粒貝，肉質纖細柔嫩，有咬口，味道爽口清甜，慢慢細味之下，會感受到淡淡的海水味。第四道菜係鰤魚，配以醬油漬過既蛋黃。師傅話呢個係佢自己設計出嚟嘅食法，食用之前，先攪拌蛋黃，再用刺身沾滿蛋液。刺身食落淡淡甘甜。魚油香氣，蛋黃嘅味道更加令整個口感更加豐富味道更加濃郁。第五道菜係鮟鱇魚肝，平時食鮟鱇魚肝，好易覺得好膩，師傅特意加咗一塊醃漬過的奈良西瓜，無論口感上同埋味道上都多咗一個層次。第六道菜係昆布燒白子，昆布取其味道，唔食得嘅。白子好新鮮，冇腥味，非常鮮甜！再嚟幾道炸物，京都菜之花 北海道八爪魚 青森山藥之後呢個我相信喺其他地方嘅廚師發辦唔會食得到，俄羅斯