Video
Read full review
2022-07-10
94 views
又發掘一間個麻辣湯底幾正嘅米線舖！不過其實呢間嘅主打同舖名一樣主打嘅係車仔麵！新式嘅霓虹燈裝修望落會以為佢係新店，但原來呢間車仔麵都係老字號，當年1984年喺荔枝角車仔檔起家，所以個湯底其實都係經歷幾許風雨嘅40幾年傳統味道！利申本人非食辣嘅專家，但個人口味認為麻辣湯底好出色，唔會太油，入口辣度同麻度控制得且，以麻辣湯底計相當濃厚，因為係車仔麵關係所以仲可以再追加腩汁或其他醬汁包括南乳、沙嗲、滷水、咖啡同魔鬼辣汁，試咗個「魔鬼辣汁」，香濃惹味！配料先點嘅係舖頭 #招牌南乳豬手，大大件夠厚肉，豬皮爽口幾爽牙，南乳味可以再重啲就更好！另外 #秘製柱侯牛腩亦無欺場，又真係幾軟稔入味，不過大細就有啲唔平均，變咗有個別一兩件會有啲啲「鞋口」，但味道上值得一試！仲有 #炸蝦棗 都好特別，而仲有另一㑼必點嘅係炸到極酥脆嘅「#生炸豬頸肉」，沾湯食好惹味！提一提想減碳水嘅朋友可以轉菜底，而落單記得要柯加埋個 #自家製火辣菜脯，喺湯底中發揮到神來之筆嘅效果，爽脆又香辣！餐廳其實仲有 #馬來喇沙 同 #懷舊滷水汁 特其他湯底選擇，前者好似有好多人讚，有機會再試！最後食完個辣飲返杯餐廳自製嘅四季春茶，舒服解膩
利申本人非食辣嘅專家，但個人口味認為麻辣湯底好出色，唔會太油，入口辣度同麻度控制得且，以麻辣湯底計相當濃厚，因為係車仔麵關係所以仲可以再追加腩汁或其他醬汁包括南乳、沙嗲、滷水、咖啡同魔鬼辣汁，試咗個「魔鬼辣汁」，香濃惹味！
配料先點嘅係舖頭 #招牌南乳豬手，大大件夠厚肉，豬皮爽口幾爽牙，南乳味可以再重啲就更好！另外 #秘製柱侯牛腩亦無欺場，又真係幾軟稔入味，不過大細就有啲唔平均，變咗有個別一兩件會有啲啲「鞋口」，但味道上值得一試！仲有 #炸蝦棗 都好特別，而仲有另一㑼必點嘅係炸到極酥脆嘅「#生炸豬頸肉」，沾湯食好惹味！
提一提想減碳水嘅朋友可以轉菜底，而落單記得要柯加埋個 #自家製火辣菜脯，喺湯底中發揮到神來之筆嘅效果，爽脆又香辣！餐廳其實仲有 #馬來喇沙 同 #懷舊滷水汁 特其他湯底選擇，前者好似有好多人讚，有機會再試！
最後食完個辣飲返杯餐廳自製嘅四季春茶，舒服解膩幾唔錯！
Post
