鱻88日本料理 (Closed)

平時都唔會去佐敦，係朋友推介先會黎食😂估唔到又幾高質+高級，服務態度都好好。職員話我地知有個新菜式—活海鰻會席，我地就好奇試下。季節沙律沙律醬有少少wasabi味，唔似普通個啲食到覺得膩。最特別既係上面放左魚皮，脆脆地令到沙律口感增添不小😋😋刺身三點包含赤貝，甜蝦同生魚片。全部都好新鮮，唔點豉油會食到佢既鮮味。魚加左檸檬汁，有少少蓋過魚鮮味。赤貝因爲放係檸檬片上面所以都有同樣問題，但唔嚴重既。季節活魚刺身望落去可能覺得好生，佈滿血既感覺，但係食落口同普通刺身口感一樣。活海鰻蒸年糕厚厚既年糕包住切細片嘅鰻魚。年糕比平時食嘅煙韌，好有黏性，年糕面係脆既。裡面既鰻魚餡甜甜地，有啲似食緊叉燒。碗底仲有啲鹹鹹地嘅汁，點年糕一流。活海鰻天婦羅有塊類似菜心葉天婦羅放喺鰻魚嘅下面。鰻魚嘅軟配合天婦羅嘅脆口，口感豐富。蒲燒活海鰻籠仔蒸飯鰻魚飯好精緻，放喺籠仔上面，打卡一流。不過略嫌汁唔夠濃，若果唔配鰻魚食，有種食緊白飯嘅感覺。鰻魚亦有小許骨。活海鰻玉子蛋糕好創新嘅菜式！混合左鰻魚係蛋糕入邊，食蛋糕面果層會食到幾濃鰻魚味。而旁邊加左楓蜜，點左蜂蜜同食普通蛋糕嘅感覺冇分別，所以唔使驚混合左鰻魚之後會好奇怪。