YAMA (Under Renovation)

沙田帝都酒店最近有新嘢。YAMA主打新派和食料理及正宗爐端燒，其中爐端燒更會用上備長炭。“山”吉列和牛三文治如果你鐘意食吉列和牛三文治，真係誠意推介，絕對唔係揸流攤。和牛用上A5 鹿兒島野崎牛，三文治入口牛肉幾近即溶，加上師傅的微酸醬汁，開胃解膩，完美配搭，一試難忘。雞腿肉自家製免治雞肉日本元氣雞雞肉中混有軟骨，蓮藕及牛蒡，豐富口感，亦唔少得醬油蛋汁令入口更香滑。脆米炸蝦丸脆米色彩繽紛，包住大大粒蝦丸，口感香脆又滋味。野菜蕎麥麵你以為係一般配置的蕎麥麵，師傅特意將木魚湯汁打成幕絲狀泡沫，外面日日成30幾度，呢個蕎麥麵就透心涼。南瓜椰子奶糯米糍紅豆同南瓜醬令香甜滋味共冶一爐，配以糯米糍，口感豐富。一期一會表面上好似一杯綠茶，實際上係綠茶雞尾酒。威士忌夾綠茶，出奇地易入口，更多了一份甜味。