永香冰室

Open Now

Now Closed

睇外觀已經好似回到60年代，坐低左就更加感受其中，懷舊既吊扇、窗花、坐位等等。保留”舊時”，恍惚回到以前爺爺家。揀好食咩落單後，老細不忙推介其菠蘿油，相信係信心之作，可惜我無試到。鮮牛肉麵 - 食得出新鮮牛肉，唔係醃過晒、無晒肉味既牛肉，而且薄切唔會靭，如果要揀我會鐘意呢款多過平時既沙嗲牛肉麵。西多士 - 冇咗中間層花生醬，突出返蛋香，唔係厚厚西多士，咁樣反而重好食。似以前屋企整既西多士咁，再淋上大量煉奶，雖然我個人就鍾意糖槳多d，但有人就好鍾意。熱奶茶 - 我好鍾意飲港式奶茶，但要沖得好飲真心係好難，今次既茶底淡，無茶香，唔係我杯茶。紅豆冰 - 夠多豆，而且都大大粒，少少沙，但個奶好淡，似水。小店雖然唔算好熱情，但就感受到一份隨意，又唔洗好趕，慢活懷舊一下。