Sabor Spanish Touch Private Kitchen

Open Now

Now Closed

同朋友去咗上環食西班牙私房菜，呢間餐廳十幾年前啱啱開業，都試過一次，對佢嘅tapas念念不忘 😍😋餐廳唔多人，可以靜靜品嚐。餐廳需要預訂，菜式由餐廳定好，坐低等食就得。餐前小食有橄欖同🍅番茄生蒜多士，酸甜開胃。🍴魚湯煮蜆湯底係用新鮮魚骨熬製，用嚟煮蜆特別鮮甜。🍴 橄欖油炒蒜片蝦蝦肉新鮮， 蒜片香口。🍴墨魚粒配番茜蒜蓉泡沫醬墨魚粒彈牙新鮮，最鍾意個醬，可以話係因為個醬再返來，蒜蓉味辣辣地超級香。🍴黑松露蘑菇湯湯表面有個蛋白泡沫，撈埋湯飲特別順滑， 黑松露味突出。🍴西班牙海鮮飯 蝦同蜆都好新鮮，海鮮飯有咬口， 吸收曬蝦湯嘅鮮美。🍧甜品有西班牙版嘅焦糖燉蛋， 同平時食到既有少少唔同，質感係軟滑啲，似雪糕或奶昔。💗另一款係柑橘士多啤梨蛋白餅，酸酸甜甜，幾有特色。