座銀

Open Now

Now Closed

我好想食座銀既雞白湯拉麵好耐😭，星期日特登去中環食飽後行街街，真好好味！湯底係非常正，雞白湯底用左打泡既方法，令湯非常creamy, 好似cuppuccino 啲泡，滑得嚟又唔太油膩。我呢款係海鮮雞湯，師傅係本來既雞白湯中加入魚乾蝦乾熬製，令本身湯底味道變得更濃郁🤤。拉麵係比較粗身少少既蛋麵，食落都幾有口感，而且我覺得D拉麵係掛到湯，同時又吸收到濃郁嘅海介同雞湯味！肉就得兩片，就係碗邊既厚切叉燒同雞肉。叉燒係用五花腩位嚟製成，肥瘦分佈得唔錯。雞肉為厚切慢煮雞胸肉，食落非常滑，肉質好細緻。上面薄身一大卷係牛蒡，經過油炸後非常脆身，遠睇亦非常靚！我覺得大家可以先飲一啖湯，再試少少牛蒡，清爽口感可以減少左湯底油膩既感覺，loop住咁食，食到停唔到口！成碗拉麵份量剛剛好，好西唔一定要份量好多，足夠淺嘗就可以！我覺得湯底，拉麵，配料都做得好出色！未試既就一定要嚟試下！