樂天皇朝 (利舞臺廣場)

Open Now

Now Closed

丫妹今晚請食飯, 選址利舞臺廣場原座新搬舖嘅「樂天皇朝」, 再一次品嚐餐廳別具特色、多種口味嘅小籠包。餐廳企理光鮮, 店員有禮, 招呼周到。丫妹拍板order了幾菜式share。【芝麻醬油麥菜】HK$72冷盤油麥菜整齊被卷起, 以薄切青瓜片固定, 口感爽口清新, 配有芝麻醬沾點, 提升味道。【蘿蔔絲酥餅】HK$52酥餅外層超鬆化, 內裡釀滿了清甜多汁的蘿蔔絲, 頗有層次。【竹炭流沙包】HK$48流沙包質感鬆軟, 一咬流沙湧出, 甜甜的。【特式皇朝小籠包】HK$148八款不同口味嘅小籠包, 分別有原味、糟溜絲瓜、鵝肝、黑松露、芝士、蟹粉、蒜香、川味, 餡料鮮嫩多汁, 皮薄做到一咬爆汁, 每款味道各具特色, 散發餃皮味道, 同時亦沒有覆蓋到餡料嘅鮮肉味。【皇朝魚湯酸菜魚】HK$238(例)自選了小辣, 湯底酸中帶微辣, 不是傳統重口味, 片片魚肉無骨頗嫩, 配有萵筍、大量酸菜同埋好滑嘅冬粉, 份量足夠2-3人share食。【宮廷驢打滾】HK$50糯米粉團卷著了甜甜地嘅紅豆蓉, 表面平均沾上了黃豆粉, 入口軟糯微甜, 不錯。