正潮樓

Open Now

Now Closed

預祝母親節，帶婆婆食中菜，選了婆婆喜歡的潮州菜。之前食過灣仔的正潮樓覺得不錯，知道銅鑼灣開咗新分店，一於嚟試吓㗎。一坐下，侍應便遞來功夫茶及小食招待。我哋4人選了4個特惠晚市套餐。厚菇焗鮑魚(兩客）賣相一流，睇見都知好味。花菇爽滑有菇味，我食到帶少少獨特的孜然粉味。鮮鮑魚炆得好腍又鮮味，口感軟滑彈牙。醬汁濃稠，精華所在。厚菇焗海參(兩客）海參好厚肉，係乾海參，Q彈Q彈，滿滿的蛋白質，同樣好入味。滷水拼盤有豬紅，鵝肉，豆腐及豬大腸。鵝肉片好腍，唔嚡，滷水好香。豆腐豬紅不能錯過，嫩滑入味。脆皮九肚魚好香脆，九肚魚滑溜溜，魚肉較薄身，蘸上帶柑桔香的醬汁，香口又不膩。方魚蠔仔粥蠔仔大隻冇沙而且超多，啖啖粥都有飽滿蠔仔，好滿足。蠔仔加上方魚及肉碎，超鮮甜。汕頭煎蠔烙煎得金黃香脆，充滿蛋香，鮮甜蠔仔超多，加上滑滑的木薯粉，加少少魚露提鮮，啱晒蠔仔控的我。炸蝦棗蝦棗好爽口彈牙，蝦肉加上豬肉及馬蹄，鮮味又甘香。