花火和食 (Closed)

“東京風炭燒雞扒定食”($80)“日式豚肉叉燒拉麵”($72)“日本可樂餅”($28/2件)屯馬線開咗之後去土瓜灣嗰頭真係方便好多🥰今次去咗個喺紅磡土瓜灣交界嘅新商場Soda Mall人流唔算多,想靜靜地坐底食餐飯就岩哂😆去咗呢間和風餐廳花火和食☺入面有滿滿嘅動漫裝飾,動漫迷嚟到一定好開心🤣呢道食物選擇都幾多,有拉麵/烏冬,流蛋飯,定食,小食等等我就要咗份東京風炭燒雞扒升級定食🐔雞扒除咗照燒醬,面頭仲落咗大量芝麻同蔥花😍食落雞肉嫩滑,送飯一流😋定食會跟埋珍珠飯/貓飯,麵豉湯,沙律,前菜我就揀咗貴$10嘅貓飯🐱,個飯加咗牛油,木魚碎,海苔就咁食已經好夠味😛另外一份主食要咗碗日式豚肉叉燒拉麵🍜湯底有6款選擇,我地就揀返最夾嘅豚骨湯🐖配料十分豐富,除咗4大片叉燒之外仲有木耳,菇片🍄,海帶,粟米粒🌽,蔥花,魚板,溏心蛋🥚味道當然唔及正宗拉麵店咁濃郁啦,但勝在夠大碗抵食😝已經好耐冇食過呢種港式風拉麵好懷念😆最後要多咗份小食日本可樂餅要咗牛肉🐮同芝士🧀口味😋可樂餅炸到外脆入面軟綿,而且唔會太油膩☺$28 2件咁高質超抵食😝