Video
Read full review
2021-09-27
314 views
自從同事介紹過呢間Pirata Group旗下嘅印度菜Chaiwala就一直都好想試，lunch menu有得揀3courses($148)或者4courses($198)，今次揀咗3courses，就咁睇以為唔係好多嘢食，但已經好夠~食完飽到上心口!!餐廳其實唔算就腳，喺蘭桂坊上面，認住對紅大門就搵到!! 推門入去要先落樓梯，落到去見到個好靚嘅水吧，但周圍空無一人，以為執咗笠定唔知去錯地方😂 之後先知原來係另一間酒吧 Hugger Mugger，應該係未到營業時間所以冇人😂 要再繼續行入去先見到餐廳reception，入到去又係另一個世界，有種好神秘嘅感覺~~𝑺𝒕𝒂𝒓𝒕𝒆𝒓ᴘᴀɴɪ ᴘᴜʀɪ ᴡɪᴛʜ ᴊᴀʟ-ᴊᴇᴇʀᴀ(+$20)Pani Puri係印度好出名嘅街頭小食，係個好似乒乓波嘅脆餅puri入面釀入唔同餡料，唔同地方有唔同做法，而Chaiwala呢個入面就有啲薯蓉同鷹嘴豆等等，而中間好似sake樽咁款嘅其實係啲香料薄荷水，可以倒入去一齊食，係幾得意，食落凍嘅係幾fresh，但真係唔太啱自己口味😂ᴀʟᴏᴏ ᴛɪᴋᴋɪ ᴄʜᴀᴀᴛ🖤🖤呢個超級好食!! 好有驚喜😍 又係一款印度街
餐廳其實唔算就腳，喺蘭桂坊上面，認住對紅大門就搵到!! 推門入去要先落樓梯，落到去見到個好靚嘅水吧，但周圍空無一人，以為執咗笠定唔知去錯地方😂 之後先知原來係另一間酒吧 Hugger Mugger，應該係未到營業時間所以冇人😂 要再繼續行入去先見到餐廳reception，入到去又係另一個世界，有種好神秘嘅感覺~~𝑺𝒕𝒂𝒓𝒕𝒆𝒓
ᴘᴀɴɪ ᴘᴜʀɪ ᴡɪᴛʜ ᴊᴀʟ-ᴊᴇᴇʀᴀ(+$20)Pani Puri係印度好出名嘅街頭小食，係個好似乒乓波嘅脆餅puri入面釀入唔同餡料，唔同地方有唔同做法，而Chaiwala呢個入面就有啲薯蓉同鷹嘴豆等等，而中間好似sake樽咁款嘅其實係啲香料薄荷水，可以倒入去一齊食，係幾得意，食落凍嘅係幾fresh，但真係唔太啱自己口味😂
ᴀʟᴏᴏ ᴛɪᴋᴋɪ ᴄʜᴀᴀᴛ🖤🖤
呢個超級好食!! 好有驚喜😍 又係一款印度街頭小食，喺香料薯餅上淋上蜜糖乳酪醬同羅望子醬，另外仲有啲石榴粒同鷹嘴豆，成件事好正！食完薯餅淨翻啲醬都唔捨得比待應收碟😂😂
𝑪𝒖𝒓𝒓𝒚
ᴏʟᴅ ᴅᴇʟʜɪ ʙᴜᴛᴛᴇʀ ᴄʜɪᴄᴋᴇɴ🖤ᴋᴇʀᴀʟᴀ ғɪsʜ ᴄᴜʀʀʏ(+25)🖤
冇揀到tandoor揀晒咖喱，兩款都好食，butter chicken不嬲都實冇死，係甜甜地又帶啲蕃茄酸味嘅咖喱，而另一款魚咖喱就比較重椰香味，都好好味！
ᴡ/ ɢᴀʀʟɪᴄ ɴᴀᴀɴ & ʙᴜᴛᴛᴇʀ ɴᴀᴀɴ🖤🖤
另外要大讚嘅係佢嘅naan!!!!!!! 我超級鍾意！有別於重慶大廈好軟熟嗰啲，佢底部仲好香脆，唔敢講係咪正宗但真係好好食!!!!!!!!
𝑫𝒆𝒔𝒔𝒆𝒓𝒕
ᴍᴀɴɢᴏ ᴘᴀɴɴᴀ ᴄᴏᴛᴛᴀ第一啖有種唔知咩味道，但食落又覺得幾好食，好滑芒果又甜!!
呢餐飯食得好悠閑，侍應完全會等你食完先上下一道菜，旁邊有幾枱都係嚟慶祝，氣氛好好，食到唔記得咗時間到最後要趕住翻公司😂😂 總結Pirata group無論係食物同服務都真係有保證!!
Post
