樂天客棧 (Closed)

奧海城行完街，食埋飯先返屋企，是晚食左樂天客棧，之前食過覺得不錯，今晚又食佢先。開了潽洱茶 ($7/位)，茶味香純不錯飲，侍應還送上一份小食 ($15)，今天是炆栗子同花生，很軟腍入味。點了小食皮蛋 ($18)，皮蛋晶瑩剔透，蛋心情流心狀，勁吸引呀～一口咬下，蛋白部份啫喱狀甚爽口，蛋黃部份綿滑，再加上一口酸薑，真是人間美食。馬來風光 ($72小)，炒得夠鑊氣，用了參巴醬去炒，味道濃郁但不過咸，通菜很嫩，十分好味！咖啡雞 ($88小)，見呢款很多人點所以點一份試試，果然咖啡味香濃，好特別呀，有點似食緊tiramisu嘅味道，哈哈，雞件亦很滑，好味有特式。當歸花菇雲耳蒸鱸魚片 ($108)，最後仲點左魚，勁香當歸味，鱸魚片好嫩滑，勁新鮮，啖啖肉完全無骨，好味到汁都撈哂。白飯 ($9)，啲餸太好味了，兩個人食左三碗飯，白飯都係用上靚絲苗米，正。這裏最好係啲餸可以有大中小size揀，人少少都可以點多幾款，枱同枱間又濶落，好坐又好味，正。