Video
Read full review
2011-08-19
46 views
每次嚟強記食飯都要6:30前, 如果唔係就會冇位, 今次遲咗少少, 差D冇位, 但最入仲有1張方枱, 食到差不多尾聲, 隔離2張細枱食完, 佢地竟然可以由2張枱變成3張枱, 但要我地移過少少, 咁冇問題, 大家方便啫, 跟住經理見好似冇乜位行, 幫我地將張枱由打斜角變成直放, 好似闊落D, 到我地埋單的時候, 將我地之前坐果張方枱變成圖枱, 可以坐5-6個人. 嘩.............佢一晚都幾大變動wor~~ 之前一路坐開近門口的枱, 都未試過咁大變身, 今次坐最入先體現到d伙計真係辛苦, 成日將d枱變大變細, 移左移右, 好似做咗搬運工人咁..............今日因為食咗下午茶, 相隔唔太遠, 未係肚餓, 所以叫d冇咁飽肚的餸............... 薑蔥炒蟹開頭見到有2個蟹蓋, 以為有2隻蟹, 但食落竟然有5隻鉗, 仲要有1隻係超巨形, 唔通佢幾碟一齊炒, 所以分唔勻?? 雖然味道幾好, 幾夠味, 最重要係夠鑊氣, 但可惜d蟹冇乜肉食, 係個蓋有d好老的蟹膏食............... 辣酒煮花螺唔係辣酒, 係辣油至真, 成鑊都係油, 而且仲好辣tim~~
今日因為食咗下午茶, 相隔唔太遠, 未係肚餓, 所以叫d冇咁飽肚的餸...............
薑蔥炒蟹
開頭見到有2個蟹蓋, 以為有2隻蟹, 但食落竟然有5隻鉗, 仲要有1隻係超巨形, 唔通佢幾碟一齊炒, 所以分唔勻?? 雖然味道幾好, 幾夠味, 最重要係夠鑊氣, 但可惜d蟹冇乜肉食, 係個蓋有d好老的蟹膏食...............
辣酒煮花螺
唔係辣酒, 係辣油至真, 成鑊都係油, 而且仲好辣tim~~ 開頭望落有好多大豆芽墊底, 以為冇乜螺, 點知一路食一路都仲有, 好似食極都食唔完咁..............雖然我唔食得辣, 但螺真係要辣酒煮先好味~~
白粥
唔想食雞粥, 雖然佢個鮑魚雞粥都只係$12, 但想食得清清地, 所以就叫白粥, 但個伙計仲要係咁推介鮑魚雞粥, 我地就堅持要白粥, 咁佢就話白粥都有味架wor~~ 我心諗, 其實係你地乜粥都係用果煲粥底, 只係唔同粥放唔同料啫~~ 食落碗白粥都真係好似食緊冇雞的雞粥~~ haha~~
蓮蓉包
是晚又係送蓮蓉包, 只有乒乓波咁大, 但唔係熱辣辣, 尤其一啖放入口, 始終都係鍾意佢送糖水多d~~
Post