添記法式三文治

Open Now

Now Closed

同朋友行廟街，佢指明要行去渡船街揾食，咪即管行去試吓，點知真係有驚喜喎！這鋪的鋪面不是很大很搶眼，如果唔係特登揾，真係好易走漏眼。我地好好彩入去時客人不多，但喺我地等侯期間已經聚集了不少人。這鋪基本上得兩款選擇，就係越式三文治同蒜蓉多士，越式三文治有兩種尺寸。我要左個細既，再加杯青檸冰。來杯青檸冰出奇地好飲，似係用真正青檸多過係糖水，所以味道好清又唔假，推介由於係即叫即做，所以我地等左差唔多成十分鐘先有得食。但三文治一咬落去，就明白好野係要等的道理。法包烤得好香脆，入面的餡料好足，食到尾都有料，唔同的肉饀令三文治好有層次，最鍾意係面頭的紅蘿蔔，少少酸，所以好醒胃！正！實在太好食喇，所以好似唔夠喉，要埋個蒜蓉包試食嘩！一食真係不得了，好多出名的店鋪都冇佢整得咁好食，蒜蓉味勁香又好香脆，一定要試！估唔到這間外表毫不起眼的小店，居然有這麼出色的食品。在今日地產霸權的香港，到處都充斥住連鎖店，這些特色小店真係買小見小。真希望這小店可以繼續努力，為我們帶來有特色的小食。我會繼續支持你們的。