Video
5-min walk from Exit A, Austin MTR Station
continue reading
Telephone
23857939
Introduction
其他資料: 馳名"越南法式三文治".
continue reading
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
剛在SSP做完事離開, 看見了一架914巴士就想起了添記. 不經不過自己原來都由讀書時代起光顧到現在快步入成為中年大叔的日子. 除了價錢改了外, 事實上添記沒大變化, 已不是潮流的裝修在暗黃的燈光下顯得更是蒼老. 我記得第一次在越南食越式三文治的味道應是在1990前, 最有印象的那種帶點酸味的紅蘿蔔絲, 然後在口耳相傳和努力找尋才找到這家店. 點了個外賣, 剛巧人多, 等了7分鐘, 拿上手我就是那種熱的感覺, 直至我帶回家(天后) 還是有點暖感和麵包的麥香酸味的紅蘿蔔絲還在, 除此外內裡沒有太多花巧的東西 , 易入口. 越式法包的外脆內軟是最好的. 始終原本自家的味道還是忠於原本的最好.
continue reading
一舊水一條越南法包入邊完全冇料，冇心做。名大於實。極之失望。唯一可以讚間舖就係店內冷氣極涼快。唔明白點解佢可以係香港嘅越南發包代表或者元祖點之一？首先越南發包最緊要個肝醬，份量極少，淡而無味，蔬菜唔新鮮酸菜份量太多。唯一合格嘅位就係發包係脆嘅。完全唔明白一條法包可以賣$100而俾呢個質素我哋，難怪香港人北移上去深圳開餐。認真講香港任何一間賣法包嘅餐廳都可以好佢好多倍。如果大家唔信可以試吓買半條證實一下先。
continue reading
一直以來好多人都話添記嘅越南三文治好食，今日終於都有機會可以試到，買咗一條大嘅越南三文治和一塊蒜蓉包。咁多年來，好多人都話好好食，所以我確實有抱住期望咁試，好可惜真係好失望… 麵包 - 那是放乾了的脆…而唔係焗出來的脆餡料 - 肝醬出眾，但眾配菜卻冇乜味，最明顯係甘筍，真係冇味，呢個應該係關乎買貨方面嘅選擇。蒜蓉包 - 似乎係自製嘅蒜油，可惜蒜蓉粒非常少，沒有蒜蓉粒的多士上基本係冇蒜蓉味…老字號確實係老字號，但現今世代已經有好多比老字號更加追求進步和出色嘅選擇。真可惜
continue reading
我們於19/7（五）約下午三點左右去到餐廳，內裡已經有2位客人，小店光猛，電視播放CCTV，伯伯整梗法包🥖。我們叫了小法包（$46），伯伯就立即放法包入焗爐，之後再放餡料，例如：青瓜絲🥒，紅蘿蔔絲🥕，扎肉，腩肉，咸豬手等等。法包好脆口，餡料就室溫，沒有什麼調味，清清地，不過不失。👌🏻雖然係小法包，都叫抵食夾大件。之後亦有街坊入嚟外賣大法包，伯伯又問屋企有冇焗爐等，只有在小店才能體驗到人情味。
continue reading
講到法包大家一定會推薦添記，實在係老字號🤣身為法包愛好者，我都抱有期望去食，店舖比我想像中更有傳統風味，見到伯伯好有心機制作法包😋大法包$90雖然係有d貴，不過真係比足料，而且食完唔會覺得唔值，入面有青瓜、蘿蔔絲、扎肉、肝醬、豬手、腩肉等等，d配料好豐富，一路食一路跌出嚟🤣蔬菜好新鮮、爽口，唔似放咗好耐；而扎肉都夠彈牙，有咬口；豬手、腩肉咸咸地，食落幾惹味！成個法包嘅配搭好好，一大條都食得落！
continue reading