炭兎

Open Now

Now Closed

最近同朋友傾計佢帶左我去依間主打食日本蠔同地道特式日本菜既居酒屋, 估唔到食完的確有驚喜餐牌有多款平時少見到既居酒屋菜式, 睇左陣先決定好叫咩食鐵盒燒廣島生蠔 6隻 蒸蠔店員解說廣島蠔大約蒸7-8分鐘, 叫左三隻原味同三隻另加配芝士, 每隻都肥大肉厚, 先食隻原味, 食落蠔味非常突出, 一啲沙同腥味都無, 好新鮮, 店員有教我地可以自己再落特製小辣椒同檸檬汁, 加配黎食令整體味道更豐富同提升左個蠔既鮮味, 估唔到味道咁夾! 另一款配即溶芝士, 芝士味道濃郁加上咸香味突出, 同廣島蠔亦意外地夾, 超滿足既配搭組合, 不仿一試花蛤燒 花蛤燒得剛剛好, 食到花蛤肉既甜味同個汁夠哂鮮味十足, 唔洗落任何調味都已經好好食鰯魚伴明太子第一次食到燒得出奇地好食既魚, 完全入口一啲都唔會覺得乾身, 魚既鮮甜味依然保持到, 魚肉好嫩滑, 完全無任何腥味, 再配埋明太子一齊食更加惹味, 依道燒魚真心必點!蠶豆2本直接燒熟既蠶豆, 食嗰時要除左外層既衣, 入口好脆口, 青味又唔會好過分, 送酒一流新鮮八爪鱼圍爐炭火燒（一爪）以炭火燒成既八爪魚, 比平時食到既比較有咬勁, 但食得到八爪魚本身既原有味道, 唔會