鴻哥小廚

Open Now

Now Closed

鴻哥小吃一睇就知食中式菜，粥粉麵飯唔少得，仲有燉湯同小炒，岩哂我呢d屋企唔煮飯ge人。即刻order生炒骨，蓮藕餅，豆豉炒大蜆，排骨煲仔飯。生炒骨上枱果陣，以為平平無奇，但係食落去熱辣辣，卜卜脆，絕對係即叫即炸即整，值得讚賞。豆豉炒大蜆，初初以為會咸，但食落去又唔咸，味道都幾好，唔洗同飯一齊食都ok。蓮藕餅質素十分之高，一咬落去勁有家常菜味道。初初以為係將蓮蓬片上塗一層肉末，點知係將蓮藕切粒，混入肉末中，十分驚喜，送飯一流。估唔到夏天都有煲仔飯食，標榜無需加豉油，已有足夠ge味道，飯有飯焦，但排骨就少少咸。最欣賞係店員服務周到，見到半隻碟裝滿蜆殼會主動換碟。