燚 (Renamed) View

🔸沙律同前菜一上枱已經賣相吸引萬分，煙三文魚沙律卷配上酸甜既泡泡檸檬柚子汁，開胃！🔸白色鵝肝配沖繩菠蘿醬及魚子醬鵝肝可以話係典型少食多滋味嘅食物，今次配上魚子醬，表面加上金箔，呢個係咩呀？唔該晒份量十足！但沖繩菠蘿汁香口甜美，配上鵝肝更添清新可口既味道！🔸黑松露帶子配鮑魚多士🔸東星班配燒大蝦主菜到臨！繼續泡泡之旅 - 今次係黑松露泡泡，淨係擺碟已經要不斷影相打卡！燒東星班肉質彈牙有咬口，鮮味十足。大蝦更是明顯新鮮到港，肉質鮮嫩彈牙，配上微辣醬汁更惹味！帶子味道實在驚喜，黑松露既味道響口入面久久停留，帶子鮮味更是突出！鮑魚多士既味道層次豐富分明，鮑魚既鮮味、多士既香脆、蒜蓉嘅蒜香唔會太重，食完甚有樂而忘返既感受！🔸秋田縣雞排配酸辣醬汁及蒜香牛油汁雞肉煎至金黃脆口，入口軟滑，難得既係肉汁仍然豐富，入口滿足！🔸宮崎縣厚切黑豚肉扒落過廚既朋友都知，豬同雞既烹煮方法以至肉質味道都大相逕庭。今次廚師相當有心思，配上清新爽朗既果味醬汁，令豬肉食落味道絕不單一，豬肉既肉香味配上果香，感覺特別！🔸海膽炒飯炒飯鑊氣十足，配上大大舊既海膽，一啖飯一啖海膽，十分匹配！🔸黑松露麵豉湯淡淡既黑松露味，估唔到同麵豉