王幺妹黔川米線 (Moved) New Location

因為大學一啲活動而去過雲南鄉市幾次，算係感受過當地人嘅食法，呢間小店菜式幾貼近地道食法。MENU上嘅土豆、酸角對港人不甚吸引，但的確係我喺當地日日見到嘅菜式。呢度對薯仔嘅切法實在勾起我唔少回憶。講係咁講，香港人食米線都係鐘意肉多啲~湯底幾特別。我哋叫咗小辣，但湯底依然充滿胡椒、花椒香，呢隻味我坦言喺香港未曾食過。米線質地、味道都比較似上海麵，冇深究過貴川米線係點。但我覺得係好食嘅。牛展好稔好入味。呢度嘅蒜泥白肉唔似見開嗰種切得齊齊整整嘅腩肉，亦冇落白醋。主要係大量蒜香同花椒油香。不過味道偏鹹，十足雲南味。小店衛生總不能太苛刻，但食落係幾有風味嘅。