王幺妹黔川米線 (Moved) New Location

午飯時間都唔算多人而且比較早嚟到，所以唔使等位。上菜速度都好快10分鐘就已經上咗。👉🏼川式米線湯方面酸酸地都幾惹味。配料方面有酸豆角非常開胃，配菜我加咗筍尖大腸大腸有筍味可能因為醃得比較耐幾好食。白肉切得都幾薄幾有口感。都有送生菜🥬。米線方面份量較多，都算係幾大碗抵食同埋都夠飽，如果比較餓既朋友可以叫多一個餸。其實菜單上邊仲有小食不過一個人試唔到其他嘢。如果下次朋友嚟紅磡都想同佢一齊再嚟試其他米線。

平時個地食嘅米線大多數都有改良過，貼近返香港人嘅口味， 例如會咸d，無咁多酸菜呀花生呀之類嘅野，湯底都唔會話好油，多數會清d。不過呢間店就唔同啦，佢比較接近返發源地，似返內地嘅口味，香辣d，油d，今次叫左蒜泥白肉撈米線。可以見到佢米線係粗過平時你係譚仔食嘅好多，咬落去淋身d，同埋吸到更多醬汁，配返白肉呢d重口味嘅菜就適合不過啦。美中不足嘅係，呢到嘅野飲賣得唔平，普通汽水都要加8蚊，比大部分食米線嘅地方都貴。

今日約咗朋友喺紅磡食晏，朋友話好掛住貴州味，所以我就提議去食王幺妹！記得之前夜晚上完堂成九點鐘勁肚餓，誤打誤撞就入咗嚟食紅薯粉，嗰陣係食魚片！食完個人暖笠笠！而家搬咗去新舖！感覺上乾淨咗，啲座位都比以前闊落！朋友試咗佢個牛肉紅薯粉，每舊都煮得好淋好入味，鋪面嘅配菜有酸豆角、荀、蔥......佢嗌咗BB辣，好香口！佢話無論係配菜定紅薯粉嘅份量都啱啱好，抵讚！我唔食得太辣，所以就嗌咗酸湯金菇肥牛米線，呢到啲米線都係粗身啲，好有口感！朋友比咗啲紅薯粉我試，我都覺得煙煙韌韌，勁有口感😚😚😚每一啖都好享受！🥳我地仲嗌多咗份孜然雞翼，一份有四隻😍外脆內裡仲保持肉質鮮嫩😆

如果不是同事推薦這間米線，我經過這麼多次，都不會留意到這間米線，因為真的是一間很細嘅店。我最喜歡食蒜泥白肉米線，蒜泥白肉醃得好冧，蒜香味好足。貴州米線比平時食開的米線要粗一點，煙韌一點。配菜是酸豆角也很少見，酸酸辣辣好開胃。酸辣湯底很夠味，不會很辣，唔食得太辣嘅我，食得好開心。真係同平時食開的米線店完全不同風味。我係一試就愛上，變左熟客。但係老闆娘好佛系，開門做生意的時間很隨意，有時勤力，Lunch過去就會開門，有時下午或者夜晚先開🤦🏼‍♀️。有一次滿心歡喜準備去食，點知門口掛著‘休息五天’😭。而且老闆娘收錢時，經常不記得顧客食左咩，要問返你轉頭收幾錢🤦🏼‍♀️。店鋪比較細，坐得人唔多，經常要搭台。然後不提供紙巾，要自己帶或者買紙巾，經常食到又出汗，又流鼻涕，然後唔記得帶紙巾😂

上年冬天見有人排個羊腩煲不過一直都無機會食今年好開心佢又擺個易拉架出後今日2條女終於有機會食當然要早一日訂啦我地叫左個迷理size....但對兩個人黎講係大既啲羊腩疊到高高我地張枱又搖搖地真係驚會有意外鼓勵我地要大食啲食哂佢其實佢一個煲配既配菜係多架有腐竹，豆卜，生菜，肉丸係個鍋度但點菜個陣又唔知迷理係咁大所以額外點左個招牌辣子雞米線一上菜見到個碗有多種調味料感覺上好複習既味道食落去個辣好真係特別啊唔係死辣係辣一點點但又有很多其他配料帶返你出黎再食一啖又辣一點點咁樣好得意蒜泥白肉啲蒜泥可以浸死人完全唔慳而且食得出係用新鮮蒜自製因為切得好蓉之餘蒜味好重 唔似大廠加工有料無味我欣賞王幺妹貨真價實既態度件件羊腩都妹腍好香羊羶味舊舊都半肥瘦連軟熟既外皮唔會混習硬邦邦既羊肉值得一讚佢地啲粉麵直頭係平！只係舖頭細細粗粗地食一餐又正宗又有風味

喺紅磡讀書嘅好處係除咗交通方便之外，任何美食都能夠享受得到，平日食西餐食得多，今日同一班朋友外出食午飯時候，就好想試吓一啲久違了的內地美食，特別嚟咗呢間小店食貴州風味米線。店舖面積雖小，但五臟俱全，一個小小的廚房就能炮製各種貴州美食，簡單幾張細枱和膠櫈，就是招呼客人的地方，兩旁排滿各種飲品，每一寸空間都沒有浪費。一踏進店內，米線酸酸辣辣的醬汁和鮮肉味撲鼻而來，急不及待要點餐啦!紅燒牛腩米線$49一上枱就知整個米線份量十足！比平時食譚仔嘅更大碗，除咗好多牛腩同米線之外，店主不忘加上傳統貴州食米線的配菜，與炒豆角芫荽竹筍等等，令色香味更有層次。這裏使用的米線質感特別，較粗身之外，口感特別煙韌，食落竟然有啲似薯粉，好有咬口，索左啲牛腩汁湯底之後更加好食。配菜亦都唔馬虎，豆角同埋蘆筍分別用醬汁炒過，令成個湯底更香口。真係要讚呢度嘅牛腩，肉質10分鬆軟，而且又香濃肉味，油脂分布平均，咬落去口感香滑，配合有輕微辣味的湯底（辣度可按個人喜好加減），真係幾好食。一個午餐點都要有啲菜嘅，次次返大陸最鍾意食手拍青瓜，嚟到呢度當然要叫返一碟回味下。青瓜鹹度適中，口感爽脆，更是意外地清甜，材料非常新鮮。蒜泥白

每次去紅館睇演唱會都會先係黃埔街附近醫飽個肚先入場, 今日我同老婆都唔例外, 收工直接約係黃埔街等, 再搵下食乜東東。我地係街頭近理大宿舍位置見到呢間王幺妹黔川米線, 老婆好鍾意食米線, 而且貴州米線我地都未試過, 所以我地決定坐底試試。😁餐廳好細間, 枱唔多, 我地點餐時仲未到7點, 不過已經坐滿客人, 大部分食客都好年輕, 似係住係隔離宿舍嘅大學生。我地坐左係近門口位置, 米線款式都好多, 不過老婆唔食得太辣, 所以我地點嘅食物都係要小辣, 點左一碗家鄉蒜泥白肉米線, 一碗羊肉粉, 另外點左兩個小食, 兩個人應該夠食。😙家鄉蒜泥白肉米線 $37貴州米線比平時食的雲南米線煙韌, 富有彈性, 吸滿湯汁非常惹味, 由於我地要小辣, 所以唔會太辣, 湯底味道香濃, 配料豐富, 蒜泥白肉油脂豐富, 入口溶化, 而且蒜味濃郁, $37好抵食。👍正宗遵義風味羊肉粉 $58呢款遵義風味羊肉粉湯底酸辣香濃, 米線都係探用貴州米線, 羊肉軟腍入味, 肉份量都好多, 老婆都讚好食。😋涼拌黃瓜 $20青瓜好爽脆, 醬汁唔會好油膩, 微辣, 好醒胃。涼拌豬耳 $30老婆好鍾意食豬耳, 呢客豬耳份量好多, 豬

因為大學一啲活動而去過雲南鄉市幾次，算係感受過當地人嘅食法，呢間小店菜式幾貼近地道食法。MENU上嘅土豆、酸角對港人不甚吸引，但的確係我喺當地日日見到嘅菜式。呢度對薯仔嘅切法實在勾起我唔少回憶。講係咁講，香港人食米線都係鐘意肉多啲~湯底幾特別。我哋叫咗小辣，但湯底依然充滿胡椒、花椒香，呢隻味我坦言喺香港未曾食過。米線質地、味道都比較似上海麵，冇深究過貴川米線係點。但我覺得係好食嘅。牛展好稔好入味。呢度嘅蒜泥白肉唔似見開嗰種切得齊齊整整嘅腩肉，亦冇落白醋。主要係大量蒜香同花椒油香。不過味道偏鹹，十足雲南味。小店衛生總不能太苛刻，但食落係幾有風味嘅。

麻辣米線大行其道，一條街總有一間係左梗，今日係poly上完堂，去了紅磡街底的一間小規模經營的麻辣米線店。小店舖仔細細，只有幾張枱，所以多數人都是外賣。蒜泥白肉蒜蓉味十足，另外再加了點麻辣油浸住，所以比較油膩，腩肉油脂比較多肉少，不過切得很薄，肉質則較硬。麻辣小雲吞要了少辣，所以辣味可以接受，雲吞細細粒，一口一粒，肉餡大既有五豪子大小，麻辣都幾香。酸辣牛肉米線雖然點了小辣，但辣味都幾勁，食到大汗疊細汗，酸味十足，跟辣味很夾，非常刺激，米線比較粗，但很煙韌，紅燒牛肉粒夠軟腍。

今年的冬天比往年的凍，要暖身我一定會諗起羊腩煲或者打邊爐，上次黎過呢度食米線，記得呢度有得食羊腩煲，開心星期五最後就選址王幺妹作為我的晚餐餐廳唔大，所以有一半檯都係外面，我專登搵左個位係坐室外，通風D，空間又大D，其實我都幾鐘意香港大排檔式食肆，可以唔洗食野食得咁拘謹王幺妹其實係出名食米線，但我今日主要目的係羊腩煲，提前預訂會有9折，我今次即興黎食，所以就享受唔到呢個優惠啦涼拌青瓜 ($20)、皮蛋 ($20)青瓜同皮蛋用上同一辣底，食落香多過辣，相信店主有細心調配辣度，以配合香港人口味招牌辣子雞米線 ($37) 、家鄉蒜泥白肉米線 ($37)我地3個人叫左兩碗米線SHARE，要求要小辣，米線湯底濃，米線的質感可以話係我係香港食過最好的，辣子雞同蒜泥白肉好入味，蒜泥白肉就算浸過湯，仍然食到濃濃的蒜味羊腩煲 - 迷你 ($198)迷你羊腩煲份量都唔小，除左羊腩，仲有唔少其他材料，有羊腩煲必備的枝竹，仲有雜丸、腸仔、蘿蔔、豆卜，羊腩一點都唔肥，只有少少的SO味，醬汁味道好濃，所以枝竹同豆卜吸晒就正到不得了，一路滾住一路食，整個人由凍到震變得暖立立我幾時都話，千萬唔好睇小小店的威力，這裡的米

如果你想知紅磡有乜好食，咁就一定要黎呢間主打貴川風味米線既小店~先叫左2個小食，皮蛋同埋重慶小雲吞，非常惹味既麻香，就算我唔食得辣都忍唔住一邊出汗一邊食😍~小雲吞一啖一個，不知不覺就食曬~😂今次仲叫左個迷你羊腩煲，天氣咁凍就當然要補一補~雖然話迷你，但係都有好多舊羊肉，而且都係啖啖肉，又煲到極淋~配料都好豐富，有各種丸，同埋勁索汁嘅蘿蔔，支竹同埋豆卜，好滿足~仲叫左個辣子雞米線加脆哨，極度推介！麻辣湯底再加爆香左既辣子雞粒同埋香口既炸豬油粒，味道上絕對無敵~

今晚來黃埔穩老同吹下水，距帶我到距屋企附近一間小店食勁正羊腩煲。真係?等我來會一會~我地叫左個迷你羊腩煲，一上檯就聞到好勁羊肉香~混合埋小小香辣料。好惹味~入面還有蘿蔔，丸，豆卜腐竹等配料。滿滿一小鍋~羊肉十分鮮嫩，小小羊皮增添咬口，但係燉煮到好霖身...配菜吸收曬湯精華，好好食！蘿蔔清甜，豆卜入味。果然好正 ，價錢都係198蚊，提前一日order仲可九折....呢度仲有米線，湯底按個人口味選，連配菜，都係三十幾蚊。我就食招牌辣子雞，老同食清湯米線。各有風味，米線唔係譚仔D幼米線，比較粗身，小小似烏冬，但更軟滑。配上個麻辣豬耳，食飽飽~雖然係濃味菜式，但係食完唔會口渴。價錢親民，份量十足還可以打包....唔浪費....果然無介紹錯呀！

平時王幺妹都係我lunch既開飯勝地之一，因為呢度嘅米線真係好出色～但係一直都冇聽過原來呢度仲有羊腩煲食！！嗰晚超級凍，經過見到真係忍唔住食入去叫番個暖身得我同男朋友兩個，當然叫份迷你嘅就算啦～驚唔夠飽，另外再叫左兩個米線同埋小食。羊腩煲好快就已經上枱，再煮大約一至兩分鐘就食得。羊腩份量其實好多，有成十幾嚿左右每嚿羊腩大小適中，啲肉都幾腍，而且羊肉既羶味好輕微，我平時最怕食一啲羶味強烈嘅羊肉，所以好滿意！！同平時食開嘅羊腩煲唔同，雖然冇腐乳醬可以點，但係一樣咁好食，而男朋友覺得羊腩煲有好輕微既辣，食得辣嘅我當然覺得完全唔辣啦😂係一直以來嘅至愛——辣子雞米線！辣子雞份量好多，雞肉夠嫩滑，平時會加配金菇，今次就選擇左豬油渣，呢度嘅豬油渣同平時係春潤堂食個種唔同，係脆香既，同雞肉啱啱好成強烈嘅對比，再配上粗身滑溜同「彈牙」既米線，正由於我係好辣之人，自己就嗌麻辣嘅大辣，但唔食得辣嘅千祈要慎選呀！我男朋友食一啖就即刻要嗌番支豆漿解辣😂而我個人覺得呢度嘅麻辣好香，真正既麻辣兼備，試過你就覺得正！男朋友就叫咗魚片米線，根據個人經驗唔係日日都有得買㗎，要視乎當日材料供應。呢度嘅魚片好滑，但係細骨數量

王幺妹是一間家庭式小店座落在舊紅磡碼頭附近地方雖小但人客絡繹不絕迷你羊肉煲並不迷你材料比想像多很多有羊肉各種魚旦蘿蔔腐皮豆卜等肉味濃郁非常入味完全有別於坊間的羊腩煲果然名不虛傳值得推薦另叫了兩碗米線荀尖豬腸非常惹味豬腸軟腍帶爽口邪惡的食物偶然一次也沒關係另一碗是魚片米缐另加小棘魚片味道很新鮮兩款米線都是粗身彈牙小食叫了招牌小雲吞雲吞餡料是豬肉外皮光滑另點了是麻辣牛𦟌牛𦟌炇得恰到好處淋上的醬汁非常惹味

位於紅磡黃埔街3號的王幺妹黔川米線，主打四川貴州風味的米線。小食店位於天橋附近，天橋連接到紅磡港鐵站。用膳當天有不少理工大學的學生步行過來吃米線。米線可以選擇辣度，如果不太能吃辣的食家可以選擇清湯。另一方面，愛辣之人便可一嘗辣勁十足的米線。迷你羊肉煲來到了，雖然名字加了「迷你」，可是份量也十分足料。個人喜愛等候羊肉煲滾起時才享用。羊肉的味道不羶，和伴隨的醬汁十分匹配。而且煲中還會有腐竹、豆卜、生菜和雜丸（龍蝦丸、魚丸、牛丸、芝士腸等）。配菜大多是剪成一半或小件，一口一件。如果各位食家有興趣試羊肉煲，提前一天訂有9折啊。和朋友點了一人一碗米線，包括貴州大排米線、家郷蒜泥白肉米線和麻辣牛𦟌米線。蒜泥白肉米線選了清湯口味的，白肉充滿蒜香的味道，而且熟度剛剛好，不會太嚡。曾經試過其他餐廳的蒜泥白肉，肉和蒜泥是分開煮的。除了配米線，各款配菜還可以配飽肚的白飯。米線還加了少許香蔥、醃過的豆角粒和一塊生菜。米線的份量頗多，男士吃也夠飽。最後來到的為兩款小食，小食也可選擇辣度，所以不太吃辣的朋友可以選BB辣。涼拌黃瓜切成一口一件，配上特製辣汁夠爽脆夠開胃。土豆排骨的味道也不錯，薯仔質感夠粉，而且這小食