Video
Read full review
2025-02-10
0 views
今日同friend去咗旺角朗豪坊嘅Coffee Academics hea吓，呢間cafe出名西餐同精品咖啡，今次試咗幾款招牌菜真係有驚喜！店內外裝修用左黑白調，走型格cafe路線🤟呢到亦支持手機落單勁方便野食方面首先必推個✨帶子大蝦喇沙意粉✨！諗住喇沙湯底配意粉會好怪，點知超夾！濃濃椰香加少少辣勁惹味，帶子同虎蝦大隻到嚇親人，咬落彈牙又鮮甜。最正係意粉吸晒湯汁，食完成個嘴都係喇沙香，fusion得嚟好有心思～藍蟹肉沙律🥗都唔輸蝕！滿滿嘅蟹肉鋪加上新鮮繽紛既沙律菜同蕃茄仔，食落鮮甜唔腥。配埋自家秘製醬汁，酸酸甜甜好開胃、口感好豐富！健康得嚟又唔會寡❤️想加啲protein叫左慢煮無激素雞胸肉，估唔到都可以咁嫩滑！咬落仲有肉汁，簡單配少少調味粉已經夠好味，最啱健身人士同食開清淡嘅人～咖啡控要試✨麥蘆卡蜂蜜鮮奶咖啡☕！蜜糖甜味同咖啡苦味平衡得啱啱好，飲完成個人甜入心💛朋友嗌嘅椰水🥥美式都好特別，椰子清香中和咗咖啡嘅澀味，夏天飲應該仲正！
店內外裝修用左黑白調，走型格cafe路線🤟
呢到亦支持手機落單勁方便
野食方面首先必推個✨帶子大蝦喇沙意粉✨！諗住喇沙湯底配意粉會好怪，點知超夾！濃濃椰香加少少辣勁惹味，帶子同虎蝦大隻到嚇親人，咬落彈牙又鮮甜。最正係意粉吸晒湯汁，食完成個嘴都係喇沙香，fusion得嚟好有心思～
藍蟹肉沙律🥗都唔輸蝕！滿滿嘅蟹肉鋪加上新鮮繽紛既沙律菜同蕃茄仔，食落鮮甜唔腥。配埋自家秘製醬汁，酸酸甜甜好開胃、口感好豐富！健康得嚟又唔會寡❤️
想加啲protein叫左慢煮無激素雞胸肉，估唔到都可以咁嫩滑！咬落仲有肉汁，簡單配少少調味粉已經夠好味，最啱健身人士同食開清淡嘅人～
咖啡控要試✨麥蘆卡蜂蜜鮮奶咖啡☕！蜜糖甜味同咖啡苦味平衡得啱啱好，飲完成個人甜入心💛
朋友嗌嘅椰水🥥美式都好特別，椰子清香中和咗咖啡嘅澀味，夏天飲應該仲正！
Post
