Mana Thai Kitchen (Closed)

灣仔最近開咗間新嘅泰國菜，樓高2層，環境好舒服又闊落。豬肉船河一碗裡面有豬肉丸、豬肉同炸豬皮，首先試咗湯底，好濃郁，同平時食開嘅湯底唔係好似，帶有少少甜。炸豬皮炸到脆卜卜，吸埋啲湯底真係好正好夾！燒豬頸肉一碟份量都唔少，燒到好香， 外皮燒到微微脆，配埋酸辣醬好開胃，唔覺唔覺就食咗好多，重點係燒得乾身，感覺唔會好油膩。旁邊仲有啲酸蘿蔔添！青咖喱炒飯一嚟就食到好重嘅薄荷葉味，如果唔鍾意嘅可能唔係咁啱。呢碟炒飯有啲青無花果，食落炒得好香又夠粒粒分明，覺得好夠鑊氣！仲有2杯特色飲品，Pandan leaf jasmine tea同Mana Butterfly Pea Lime Soda。