金源冰室

Open Now

Now Closed

<坪洲系列>放假諗住嚟個坪洲半日遊，因為平日嘅關係，好多餐廳舖頭都冇開☹️ 上網睇過呢間金源冰室嘅炒通粉好出名，湯通粉就食得多，炒通粉就未試過，難得嚟到梗係去試吓有咩特別店舖外表同一般老式冰室差唔多，比較簡樸殘舊，感覺衛生麻麻，不過內裏都算坐得舒服，牆上掛滿手畫嘅食物圖畫，幾有懷舊地道嘅感覺呢度大部分嘢食都係散嗌，冇乜特別嘅優惠套餐，亦唔包嘢飲要額外買，單價約$18起。整體嚟講都係一般茶餐廳質素，價錢都合理嘅，但覺得冇網上講到咁特別咁好食，嚟到坪洲一定要試嘅程度🤭_➤公司炒通🍜$44熱辣辣岩岩炒好，色水幾靚仔好深色，都夠鑊氣又香，唔太咸幾入味，食落其實就係乾炒牛河陣味，只不過用通粉取代河粉，但香港的確唔係好常見，所以都算幾特別嘅。另外都算幾足料，雖然都係啲普通簡單嘅配料炒埋一碟，有牛肉片、腸仔、火腿、午餐肉、芽菜、洋蔥、三色豆。不過略嫌油左啲，通粉口感偏淋，同埋麻麻地三色豆🙈➤星洲炒米🍜$44份量適中，都係有三色豆😂，另外仲有豬肉片(不過份量極少，肌肉熊表示失望)、炒蛋、火腿、青椒同洋蔥，黃薑粉落得好足，第一啖食落會比較辣，仲有少少苦味，整體唔算太油膩，略厭唔夠乾身，比較